لو حد عايز يتغير
يعمل ايه ؟
لو الشعور بالاكتئاب بيزيد
والرغبة فى التواصل مع الناس بتقل
ولو الصبر مفيش
وطولة البال
ماتلاقيش
وأعراض الانسحاب
مفيش أكتر منها
أقل حاجة بتوتر
وأقل مجهود بيتعب
والخوف مالى القلب
حتى الرغبة فى المناقشة
فى المواضيع المحببة
خلا ص انتهت
والناس تتكلم فى مواضيع مهمة
ومفيش نفس لشرح وجهة النظر
لو تأجيل المهام
أصبح هو الاصل
والاعمال المتراكمة
بقت كتير
والرغبة قوية جدا
فى الهروب
من كل المسئوليات
وأخذ راحة سلبية
ساعات الموضوع بيوصل
لأحلام يقظة قوية
ترسم خطوط
لحياة الراحة السلبية دى
من شوية قرأت بوست عند فاتيما
بتتكلم
عن البيات الشتوى
والنفس المسدودة
ماجاليش نفس أقولها معلش
ماتزعليش
لقيتنى اتخنقت
واعترفت فعلا
انى ماليش نفس
أعمل أى حاجة
لو عايزة نفسى تتفتح للدنيا
أعمل ايه ؟
لو عايزة أحس
انى مش مضغوطة ومشغولة
أعمل ايه ؟
لو بستهبل
ومقصرة فى علاقتى بربنا سبحانه وتعالى
أعمل ايه ؟
لو عايزة بجد
أكون انسانة جديدة
ايه المطلوب منى ؟
حتى الناس القريبين منى
بحس ساعات
انى مش قادرة أتكلم معاهم كتير
على طول مش عايزة صوت عالى حواليا
الصوت العالى بيوترنى جدا
مش عايزة مناقشات كتير
عايزة هدوء
وكلام قليل
وشغل قليل
ونوم كتير
وأكل كتيييير
أنا كده خلاص بقيت مكتئبة رسمى ؟
35 التعليقات:
بعد الشر على حضرتك من الإكتئاب
واضح ان احمد زكى بدر
قارفكوا اوووى
ربنا يفك كربك و همك و حزنك و تبطلى اكتئاب
لو فيه حد المفروض يكتئب يبقى انا
كنت اول واحد اكتئبت
دي حاجات بتروح وبتيجي
في لحظه ممكن الشعور يتغير
اضحك مع الناس كاتم لوعتى فى صدرى
مش هقدر اتكلم كتير عشان حضرتك قلتى كلام قليل
لكن دى اصبحت امور طبيعية والنصائح المستهلكة مالهاش دور فى التخلص منها
تحياتى وربنا يشرح صدرك
مش عارف اقول ايه غير اني ادعو لحضرتك بفك الكرب
نسأل الله العظيم أن يزيح همكم وهمومنا جميعا
ملاحظ ان الجو ده أصبح منتشر في كام مدونة
وده بيتطلب من وجهة نظري بقى تدخل سريع لمجلس الأمن طبقا لمقتضياتالفصل السابع
ههههههههههههههههههههههههههه
محدش واخد منها
وسيبوها على الله
في حفظ الله
مطلوب منك
تصحي الصبح
وتقولي
الحمدلله على نعمة الحياه
وتستمري في ترديد
انا سعيده..انا قويه..انا متفائله
لحد ما تقنعين عقلك الباطن بهاشي
الموضوع ابسط مما تتخيلين:)
غيرى عاداتك اليوميه،غيرى الوجوه التى تقابليها فى الصباح،افعلى اشياء غير المنعوده عليها،افعلى على سبيل التجديد
كل افعال التى لم تفعليها،سلفى ان استطعتى
،اصجكى للدنيا ثم ابصقى على الاحزان..
وعند تعودى سعيده لن اخذ حق الفيزيتا..
ابتسمى
سافرى ان استطعتى..
بدراوى
الله يكرمك
شكرا جزيلا على الدعاء
بعد الشر عليك انت من الاكتئاب
لا
أحمد زكى بدر
مظلوم :)
الراجل لسه ماعملش حاجة
ولسه مانكدش علينا
تحياتى لحضرتك
لورنس العرب
حضرتك عندك حق
هى فعلا بتروح وبتيجى
بس يارب تروح بسرعة
شكرا لاهتمام حضرتك
دكتور بنجاواتى
الف حمد لله على السلامة
البلوجر نور
شكرا جزيلا على الدعاء
واخد بالك حضرتك من كاظم
فعلا الجزء ده من الاغنية جميل جدا
تحياتى لحضرتك
قلم رصاص
جزاك الله خيرا على الدعاء
الله يكرمك
بلاش مجلس الامن
انت عارف الفيتو :)
تحياتى لحضرتك
اقصوصة
الهى ربنا يكرمك ويسعدك
ويبعد عنك الهم والاكتئاب
مش قادرة أقولك كنت سعيدة قد ايه
بنصيحتك
يمكن
لانى شفتها الصبح وانا نازلة الشغل
أثرت فى نفسيتى كتير
شكرا لك
استاذ حاتم السروى
أهلا وسهلا بحضرتك
فى أول تعليق
اتمنى زيارة حضرتك تتكرر
شكرا جزيلا على النصائح الجميلة
على أمل انى مش ادفع فيزيتة
لما اكون سعيدة
كلام حضرتك أسعدنى فعلا :)
شرفتنى يافندم
بصى ما تسمعيش اى كلام يتقالك عن العلاج من الحالة دى . لانك كل ما تجربى حاجة هتتعقدى اكتر . هى حالة نفسية بتيجى لناس كتير وانا منهم طبعا بتقعد شوية وتروح لحالها لما حاجة حلوة تحصل او حاجة كان نفسك فيها تتحقق . بس . انما اى حاجة غير كدة مش هتجيب نتيجة .
وقبل من أقرأ
الــف سلامة على
قلبك من الحــزن
مليون سلامة عليه
يااااااااااااارب
هو أنتى أتعديتى
منى ولا ايه؟لا
بقى أنا كنت
قاعدة بعيد
ومتابعة
التعليمات:)
وحدى الله
وصلى وأقرأى
القران حتى لو
مش بتحسى به معلش
اصرى وأستمرى وربنا
سبحانه وتعالى يشيل من
علينا كلنااااااااااااا
ياااااااااااااااااااارب
هو انتى بقيتى
حفيدة عرابى
ياحضرة المدرسة
ممتاز والله وزعلانة
مالكيش حق كدهـ:)
السلام عليكم
الموضوع ده ممكن يحصل لناس كتير
وده شى ء عادي مش مشكله كبيره
طبعا من وجهه نظرى الضيقه
حصل لى كتير والحمد لله - الامور بتعدي
فيه حاجات ممكن تتعمل
ذكر الله
كسر الروتين اليومي
فسحه او تغيير جو
زياره او تذكر من هم فى مشاكل اكثر
فاحيانا فعلا الروتين اليومي يحتاج لتغيير كل فتره
عشان منحسش بالملل
ربنا يكرمك ويبعد عنكى الاكتئاب
الاعراض دي طبيعية جداً ... وتقريباً كلنا بنحس بيها بصفة دورية :))
وانا عن نفسي بحاول اسلي نفسي في وقتها بأي شيء لحد ما تعدي ... يعني مثلاً ممكن أعمل أي حاجه بحبها ... أشوف فيلم كارتون أخرج بصحبة صديق مقرب ... أضرب فول من على عربية الفول .... أكل بليلة من الحسين الساعة 2 صباحاً ..... أدلق ميه على المارة في الشارع .... أقرا في كتاب نكت ...بالمختصر اخرج من المود لأن بن الجوزي يقول ان النفس كالدابة يجب سياستها حتى تتبلغ بها الطريق فإذا كلّت ملّت وهذه أنواع من سياسة النفس :))) وكل واحد ونفسيته هتوديه على فين
تحياتي
حولى نفسك لبذرة واغرزيها فى الارض ..بس ارويها من جديد
غيرى الالوان والكلام والشوارع اللى بتمشى فيها
غيرى كل شئ حواليكى وعايش فيكى
بس اوعى تغيرى قلبك
علشان قلبك هو البذرة اللى هتنبت بكرة ...بس ارويها
استاذ هانى زينهم
أهلا بحضرتك
شكرا جزيلا على الاهتمام
لكن مفيش مانع اختار من النصائح اللى يناسبنى
لان بعضها مقدرش انفذه
هو الكل اجمع
انها حالة منتشرة وهتروح لحالها
المشكلة
انها مستمرة لفترة طويلة
لكن حدتها
هى اللى بتقل وبتزيد
تحياتى لحضرتك
الدكتورة الجميلة
الله يسلمك
لا مش اتعديت ولا حاجة:)
هى الحالة موجودة لوحدها
بس زى ماتقولى كده
دخلت كام مدونة
لقيت مودهم قريب من حالتى
قلبوا المواجع
جزاك الله خيرا على النصيحة الغالية
ايه رأيك فى الاسم الجديد
انا كنت عايزة نصيحة
حلو ولا لا بجد
لانى بصراحة
كنت مكسوفة منه
ايه انا علشان اسمى نفسى حفيدة عرابى
بس حسيت ان لقد خلقنا الله احرارا
مش اسم
وكمان طويل
انا مستنية رأيك
شرفتينى ياجميل
م/ محمود فوزى
جزاك الله خيرا على اهتمامك
ودعائك
ونصائحك
تحياتى لحضرتك
استاذ تامر على
أهلا بحضرتك
ههههههههه
انا نفسيتى ودتنى
على موضوع دلق المياه
عجبنى جدا
بس ياترى
ده يكون لأى حد من المارة
ولا لاشخاص محددين
يتم اختيارهم بعناية
حضرتك عارف
ده علاج
ولازم يتاخد بدقة
كلام حضرتك أسعدنى جدا
شكرا جزيلا
على اهتمامك ونصائحك
الباشمهندس الاديب ويل
ده كلام كبير اوى
انا مقدرش عليه
اخلى نفسى بذرة
وازرعها من جديد
حلوة دى
شكرا جزيلا على اهتمامك ونصائحك
بس يااستاذ
لو غيرت الشوارع
هتوه
ومش هروح الشغل :)
تحياتى لك
شاركونا فى حمله المليون توقيع لوقف بناء جدار العار
الصديقة حفيدة عرابي
القلوب لها حالات فلا تبتئسي
بكرة احسن من النهار ده
و الأمل موجود
اكيد عرابي كان مبتئس لما راح سرنديب لكن اكيد كان عنده الأمل يرجع مصر و يلاقي اللي يكمل المشوار
تحياتي
الف سلامة عليكى ياحبيبتى من الاكتئاب
فيه ايه ياولاد ده انتوا لسة على
الابواب ايه كم الملل والتوترده
ربنا يفرج الهموم ويسعدكم
واد كده كنت فى بالك وحلمتى بيا كمان
يارب يكون خير اصلى بمر بظروف صحية وحشة وداخلة على جراحة صعبة وعاوزاة
منك الدعاء بشدة
ربنا مايحرمنى منك ولا من سؤالك
بعد الشر عنك من الاكتئاب
حاولى تغير روتين حياتك لو عندك وقت فاضى حاولى تخرجى مع الاولاد اقربها جنينه وتشم جو باسمنت ههههههه
ارجوك الواحد مش ناقص
االلى اقدر اقوللك غير الروتين بتاعك خلى باللك الموضوع اللى بعد الجاى عن الزهق
بجد سامحينى لا استطيع انا افيدك الا بتلك الكلمات
دمتى حفيده عرابى
المجاهد الصغير
علم يافندم وجارى التنفيذ
استاذ طارق مؤمن
اهلا بحضرتك
شكرا جزيلا على اهتمام حضرتك
وعلى انك جبت لى سيرة الغالى عرابى باشا
انا الحمد لله أحسن كتير
انشغلت جدا فى الكنترول والتجهيز للامتحانات
فمعنديش وقت أكتئب فيه :)
تحياتى لحضرتك
أم مالك
أهلا وسهلا بحضرتك
ربنا يكمل شفاء حضرتك
ويرزقك الصحة والعمر الطويل
ويجعل الالم فى ميزان حسناتك
لا الحلم خير ان شاء الله
كل الموضوع
ان انا غزيرة الاحلام
وبحلم بكل حاجة بتحصلى طول النهار
وبحلم بكل حاجة بفكر فيها
وكنت بقول لنفسى
كل ماادخل على النت لازم اطمن على حضرتك
لغاية ماعقلى الباطن
جه يقولى
احترمى نفسك واطمنى عليها
فزى مااكون كده
شفت حضرتك
وكنت عايزة اطمن مش اكتر
ان شاء تعملى الجراحة على خير
وتكونى فى اتم صحة وعافية
اسامة
ازيك
حلو جو الاسمنت ده:)
بس للاسف
ماينفعش معايا
عيلتى كلها الشرايين عندها ضيقة
شكرا يااسامة على اهتمامك
انا الحمد لله
أحسن كتير جدا
السلام عليكم
ياه هيا الدنيا كده من يوم معرفناها
شويه فرح وشويه حزن وياما دقت على الرأس طبول ولسه بتدق
بس ذكر الله وكثره الأستغفار بتزيل الهم
والتجديد حتى فى ترتيب حجرتك والخروج الى الأماكن المفتوحه بتشرح القلب
وقولى دايماً يااااااااااارب
ودمتِ بحاله أفضل وفى أمان الله وحفظه
إرسال تعليق