ارفعه الى أعلى سماوات الوطنية والبطولة
او إنزل به الى دركات الجحيم
وألصق به صفات الخيانه والعمالة
من حقك أن تبدى اعجابك بذكاءه
أو تبدى احتقارك لسياساته
من حقك أن تهتف كلما تذكرته
بكلماته الاثيرة والشهيرة
ياجبل مايهزك ريح
ومن حقك أن تنسى كل أفعاله
ولا تتذكر له الا قبلاته السمجة لكل من يقابله
ولكنى كلما تذكرته
لا يخطر على بالى الاعدة مشاهد
أغلبها أخيرة
مشهده وهو فى الطائرة يودعنا جميعا
وكأنه على يقين أنها النهاية
جلست يومها أبكى بشدة
بكاء لم أبك مثله يوم وفاته
لا تفارق خيالى يده الملوحة لنا
وابتسامته التى يحتار فى وصفها البشر
عرفات
بماذا كنت تحس وقتها ؟
هل كنت فى وعيك ؟
أم أن السم أفقدك هذا الوعى ؟
أم هى البصيرة ..؟
والحقيقةالالهية التى تهبط على البشر
يوم يقال لهم فبصرك اليوم حديد
أيضا مشهد زهوة وهى تودعه فى المطار
أبكتنى بشدة دموعها
على أب
لم تره بقدر ما سمعت عنه
حرم الموت زهوة من أبيها كما حرمتها منه الدنيا والسياسة
مشهده فى الامم المتحدة وهو يتحث عن البندقية وغصن الزيتون
عرفات
أيا كان حالك معنا
ايا كانت سيرتك فينا
بصرف النظر عن أوسلو التى أكرهها كما لم أكره الاكامب ديفيد قبلها
بغض النظر عن كل ما قيل وما سيقال
لا أجد فى ذكرى رحيلك
الا
صورتك ملوحا لنا بشدة بتحية الوداع
ولا أجد الادموعى التى أذرفها كلما تذكرت هذا المشهد
أنا سامحتك
على كل ما خيل لى أنك ارتكبته فى حقنا
والله أعلم بحالك ونيتك
ودعائى الى الله سبحانه
أن يتغمدك وأمواتنا ونحن أجمعين برحمته
35 التعليقات:
الله يرحمه بقى مطرح ما راح
و ياريت يحاسبوا اللي قتلوه و بعدها قاعدين على عرش السلطة الواهية في رام الله و بيقمعوا شعب الضفة الغربية و بيتعاونوا مع المحتل ضد المقاومة في غزة و في الضفة
مهندس مصرى
من ضمن الحاجات اللى كان نفسى أقولها
هو ابو مازن وعصابته دول
بنى ادمين كده زينا
ولا هما دول اللى بيقتلوا القتيل وياخدو منه السلطة
عارف لما بشوفهم بفتكر دايما دمه ودم الشهداء اللى اتظلموا من اهلهم قبل مايتظلموا من اسرائيل
كان عمر عبد الكافى بيقول اننا المفروض نحمد ربنا ان ذنوبنا ليست لها رائحة والا فضحنابين الناس
لكن ابو مازن وعصابته
الذنب باين فى الوجوه الكالحة
نعمل ايه بقى فى غضب ربنا
ربنا يعافينا ويسامحنا
شرفتنى
على فكرة شكله موضوع جامد اوى
وبما انى مهنجة وفاصلة شحن وعايزة اتحط على البوتجاز
هاجاىتانى واعلق
بس بحجز مكان
واللى اقدر اقوله حسبى الله ونعم الوكيل
فى عباس الدزمة اللى سايب الدنيا تضرب تقلب
وبيقول مش هيترشح للرئاسة
ربنا يهديه او يهده
ولنا عودة
اه على فكرة انتى وحشانى موووووووووووت
سلامى لزوزة
والسلام مسك الختام
الذكرى قد تكون مرة وقد تكون حلوة .. ولكن تبقى مجرد ذكرى.
ابو عمار ..يمكننا ان نرفعه الى السماء لانه يعتبر كل الشعب الفلسطينى ولانه قد حاسرته قوات الاحتلال فى مقره الرئاسى وهو رئيس دولة ..ولانه قد مات واذكروا محاسن موتاكم
كلما تذكرت موت عرفات اسئل نفسى هذا السؤال ..هل كان مكتوب له ان يعيش طول العمر ولكن السم قتله ام ان الموت لا يجىء فى مستشفيات فرنسا ؟
للنظر للأمر مرة اخرى ..
موضوع ممتاز
تحياتى
بوست جميل
و انا ممن تأثروا برحيل عرفات
و من قبله فى نفس العام
الشيخ ياسين و عبد العزيز الرنتيسى
ربنا يرحمنا جميعاً
---
شكراً ليكى على الكلام الجميل
اللى فى تعليقك على اخر بوست عندى
و اللى هو كلام انا مستحقوش
شكراً بجد
عرفات
لا تعليق
تحياتي ودعواتي
تحية الى ذلك الرائع ياسر عرفات
رحمة اللة و لعل خليفتة محمود عباس يتعلم منة و مما فعل .
نريد مقاومة فى فلسطين .
أحييك على الموضوع
أحمد الزنارى
رحمه الله
ولكننا يجب أن نتفهم الظروف الصعبه التى عاشها ويكفيه أنه مات أو قتل
لأنه لم يستطع التنازل عن الثوابت
ولأنه لن يستطيع التنازل صدر قرار التخلص منه
لكى يأتى من بعده من يستطيع التنازل
وعموماً ماحدث له نتيجه للضعف العربى العام
ودمتِ بخير حال
الراجل ده الوحيد اللي لما مات أرتاح من كتر اللي شافه خاصة قبل ما يموت
الله يرحمه بعد ما مات بدأ الكلاب ياكلوا في بعض
ست الدكتورة المتخفية ورا صورة القطة الشقية
افهم من كده
ان سيادتك درست القطة فى الكلية
ربنا يوفقك
حلوة جدا حكاية عباس الدزمة
اقل وصف يليق بيه
شرفتينى يا دكتورة
الشجرة الام
ذكرى مرة جدا
سايبة فى النفس اثارها
انا بقول لماما ذكرى عرفات كانت النهارده
لقيتها هتعيط وبتقولى فاكرة شكله وهو بيودعنا
ذكرى غير قابلة للنسيان
تحياتى لك
باشمهندس ويل
تعليقك واسئلتك ممتازة كالعادة
فكرنى
احتفظ بكشكولك لانه مميز فعلا
انا بقاوم كل مرة
انشر تعليقك كبوست مستقل
عجبتنى جدا كلمة
ام ان الموت لا يأتى فى مستشفيات فرنسا
بسيطة وعميقة وبتدى معايا على معانى كتير
ربنا يوفقك ايها الباشمهندس الحكيم
بدراوى
انا اللى مكسوفة منك والله
دايما جاية فى الاخر
بس المرة دى التهنئة متأخرة غصب عنى
انت تستحق اكتر من كده
بص على صفحة التعليقات عندك
تلاقى الحب باين من السطور
سواء فاتيما
او ابى او دكتور ياسر
او مهندس مصرى
ربنا يكرمك
ويكتب لك الخير
ويوفقك ويوفقنا لطاعته
وعقبال 100 سنة
رجل تحت الصفر
اهلا بحضرتك
لا تعليق دى قلقتنى
بس هقولك على حاجة
الابتلاء نعمة من ربنا سبحانه وتعالى
للتطهر من الذنوب
وعرفات
من الشخصيات المثيرة للجدل
بس حصلت فى حياته ابتلاءات كتير
احنا مااتبهدلناش زيه
لو غلط فى اوسلو او غيرها
انا لو لى قيمة فانا سامحته
كفاية الحصار
كفاية بنته اللى انشغل بالقضية ونسى يتجوز
ولما ربنا اكرمه بيها
معرفش يتهنى بقربها
ربنا يرحمه ويرحمنا
الزنارى
فعلا الف تحية لاى مقاوم
هو احنا ينفع نعيش
من غير انفاس المقاومين حوالينا
يدونا احساس
ان الحياة ليها معنى
وان الموت كمان ليه اكبر معنى
تحياتى لحضرتك
واحد من العمال
اهلا بزيارة حضرتك
انا فاهمة الكلام ده
ومتعاطفة معاه جدا
الكلام كان واضح اوى
ان دوره انتهى وان المسرح كان بيجهز لمرحلة جديدة
التنازلات فيها
مهينة اكتر وبشعة
وهو مكانش هيوافق على كده
ربنا يرحمه ويرحمنا
تحياتى لحضرتك
لورنس العرب
فعلا ده انطباع عام
ان الموت بالنسبة راحة
ربنا يرحمه
بس الكلاب كلوا فى بعض
لان ابو مازن
موجود اساسا علشان يعمل كده
تحياتى لحضرتك
ان شاء الله تكوني بخير
اليس
الحمد لله أنا بخير
مشغولة بس شوية
أنت عاملة إيه ياحبيبتى
يارب تكونى بخير
الف مبروك لمصر يا استاذة ..والحمد لله
الله يبارك فيك يا باشمهندس ويل
الف حمد وشكر لك يارب
يارب عقبال كل مرة
شاكر مؤازرتكم للمله الشعبيه للقيد بالجداول الانتخابيه
انا اسف يا مس اتاخرت عن معاد الحصه من تانى
مازلت احترامه ويكفيى اننا لم نر الانقسام بين الفصائل فى عهده
مبروك لمصر ومبروك لشعبنا الغلبان
سماح المرده عشان خاطر مصر
ادعى لمصر وقولى يا رب
السلام عليكم كيفك وكيف حال التعليم في هذا البلد؟
عرفات بالطبع من الشخصيات المحيرة وكم من حوادث كانت افعاله غريبة لا تدري معها ماهية تفكيره)هيكل- المفاوضات السريةج3 عرض لهذا كثيرا
وان كان ثباته في الايام الاخيرة حسن صورته كثيرا خصوصا مع مجمل الخنوع العربي
تحياتي واحترامي
يكفى اننا عرفنا قيمة هذا المناضل الوطنى بعدما شفنا ابو مازن
مهندس الحسينى لزومى
لا شكر على واجب يافندم
تحياتى لحضرتك
اسامة
براحتك ياباشا
تنورنى فى أى وقت
مع انى يشرفنى وجودك دايما
تحيا مصر
باشمهندس ويل
دعيت والله
ربنا دايما بيكتب لنا الخير
ماتزعلش
تتعوض ان شاء الله
تايه
اللى مش تايه خالص
نورتنى وشرفتنى
وزودت احراجى منك
التعليم مش هجيب سيرته لان ماما قالت لى مااقولش كلام عيب
عرفات
فى حياته كنت مختلفة معاه بشدة
لكن سنواته الاخيرة كانت غريبة
وايامه الاخيرة
تعبتنى جدا
ربنا يرحمه ويرحمنا
ويغفر له ولنا زلاتنا
الحمد لله اننا مش سياسيين ولا مسئولين عن مصائر بشر
لانها فعلا حمل تقيل اوى
تحياتى لحضرتك
سبهللة
اهلا بك
ابو مازن!!
متهيألى من حسن حظ عرفات ان خليفته ابو مازن
ربنا يرحمنا جمعياً
امواتاً وأحياءاً
ويسامحنا إذا ما
حانت لحظة الحساب.
norahaty
اللهم امين
شرفتينى
الله يرحم موتى المسلمين
إرسال تعليق