مدونين البلوجر الكرام
ومن جاورهم فى الوورد برس وغيرها
أرجوكم
أنا بهرب عندكم من كل حاجة بتضايقنى
و من كل حاجة مش عارفة اتكيف معاها فى الدنيا
بعتبر وجودى فى العالم ده
حتى لو صامتة
حتى لو ماتعرفونيش
بعتبره وقتى أنا
وقت راحتى
الوقت اللى بظبط فيه نفسيتى
علشان أعرف أكمل
أنا واقفة النهارده فى اللجنة
منكدة على العيال ومش بخليهم يغشوا
وعمالة أفكر
خيخة زعلت صحابها وزعلت منهم
وفاتيما زعلانه
وستيتة زعلانة
ومهندس مصرى
مضايق
ووليد كنج توت كتب بوست ومسحه
علشان خاطر فاتيما وبوبو
وأحمد سعيد بينصح
وصبرنى اتخنقت
وشيما مش عاجبها
وكتير جدا زعلوا
اما أنا
وحدى أنا
ماشفتش حد فيكم
وكتير منكم مش يعرفونى
لكن علشان خاطرى
كأنسانة
لو صفة الانسانية تكفى بالنسبة لكم
اتصالحوا
كفاية المشاكل فى الدنيا والمدرسة
الله يخليكم
هكتئب....
ومش هتعرفوا تعالجونى
أنا بقلل ساعات نومى
وبفوت حاجات كتير
من ساعة ماعرفت مدوناتكم
وعجبتنى جدا
حالتكم
وروحكم
والتنوع اللى بينكم
أرجوكم
اتصالحوا
ماشى أنا عارفة انكم بشر
وبينكم مابين كل البشر
بس لما المدونات الاقيها كلها
نفوس شالت من بعضها كده
أروح فين أنا ؟
خلاص
هتتصالحوا؟
ربنا يكرمنا
ويصلح مابيننا
ونكون نموذج
ومثل
ومش مجرد بشر
60 التعليقات:
ربنا يمع منك
ربنا يهديهم يارب
سوري الكيبورد بتاعتي بتستهبل
ربنا يسمع منك يارب
ربنا يهديهم يارب
عارفه كله من المسخنتيه الموضوع بسيط خالص بس فيه ناس ما بتصدق
جزاكى الله خيرا على الدعوة الطيبة دى
وان شاء الله تكون سحابة وتعدى
وانا بشوف من بعض المحن اللى بتخلينا نقف مع نفسنا وقفة منحة من ربنا
تحياتى
محدش شايل من حد وللاسف برضه محدش هيفهم فى ايه غير اللى جوه.
ابى بتقول ان كله من المسخنتيه.,,
تفتكرى دا السبب بسسسسسس يا ابى؟؟
تفتكرى؟
:-))
حتعدى
متقلقيش
حتعدى
و حيبوسوا راس بعض
النظرية انهم لسه ميعرفوش بعض
و كفايه سبحانه قال
"ولولا دفع الله الناس بعضهم ببعض لفسدت الأرض"
عادى الناس انها تتفق و تختلف
بس احنا كشعوب بحر متوسط
الاتفاق و الاختلاف مولع :-)) بحرارة مشاعرنا
اخبار الامتحان ايه؟؟ العيال كانت مؤدبة و لا طلعوا عينك :-)))
تعرفى فى ؤسائل عش اليومين دول بس عجب :-))
شيما اه يا حبيبتى صدقينى الموضوع كان سهل يعدى اوي وكله يسكت بس ربنا يكفيك الشر اسالى مجرب يا حبيبتى والله ياما حصل ومحدش بيعرف حاجه بس يكفيكى الشر ابقى اقري البوست اللى عندي يا قمر وانتى تعرفى
ابى هانم
أهلا بك ياجميل
يارب فعلا يكون الموضوع بسيط
ويعدى بسرعة
سبايدرمان
أهلا بحضرتك
اللهم امين
لا ولا يهمك
بتحصل فى أحسن كيبورد
بنجاواتى
الله يكرم حضرتك
سعادتى واستغرابى لسعادتى باحترام أشخاص
مفيش اى اتصال بينى وبينهم هو اللى مزعلنى
طيب العالم الحقيقى
بنزعل علشان مصالح وميراث
وبلا ازرق
مينفعش هنا كمان
كفاية اللى احنا فيه
ربنا يصلح ذات بيننا
سعيدة جدا بزيارة حضرتك
واندا
أهلا وسهلا بك فى اول زيارة
يارب ماتكونش الاخيرة
انا متابعاك من فترة
وخصوصا عندفاتيما
سعيدة جدا بزيارتك
وبجغرافية البحر المتوسط
اللى انت شرحتيها :)
لا العيال كانوا مؤدبين الصراحة
أول مرة أشوف كده
بيسمعوا الكلام وبيعتذروا لما يعملوا حاجة غلط
ايه العيال دى
هو فيه كده:)
كمان كل شوية يقولوا
يامس بعد اذنك ممكن اروح الباث رووم
استغربت طبعا
علشان احنا فى مدرستنا
اسمها ابلللللللللللة
ممكن نروح ال......
ولا بلاش
شرفتينى الشوية الصغننين دول
شيما
اهلا بك فى اول زيارة
انا علشان محضرتش
فمش فاهمة
مش بعرف افهم بالحكاوى كده
فمش عارفة ايه السبب
بس اكيد
هو شيطان ابن لذينه
بهدل الدنيا بالطريقة دى
من خلال اللى قرأته
انا شايفة ان نوران غلطانة
بس تصدقى بالله
على اد مازعلت منها وخصوصا لما قالت مش اسفة
بس حاسة انها شوية عند طفولى خايب
وانها كانت متوقعة زى العادة
ان محدش هيزعل
بسبب انها بتعودهم على الخيخنة
لكن الدنيا اتقلبت بسرعة عجيبة
لازم حد من القريبين يصالحهم على بعض
وخصوصا فاتيما وخيخة
ودكتورة ستيتة
انا بزعل لما الاقى ناس محترمة يزعلوا سوا
بحس انى تايهة
اقول ده غلطان
ولا ده المفروض يسامح
ولا ايه بالظبط مش عارفة
ربنا يهدى الحال
ابى
طيب انت وداليا قوس قزح
قريبين من نوران وفاتيما
ادخلوا انتم فى الموضوع وهدوا الحكاية
انا الكل صعبان على بصراحة
انا شايفة ان نوران غلطت
بس شعورها انها لوحدها هيخليها تعند
وتحس ان صحابها هما اللى اتخلوا عنها
وقفلتها للتعليقات مش نذير كويس
حفيده عرابى:
دى مش اول زياره:) ممكن تكون اول تعليق.
هو فعلا محدش هيفهم بالحكاوى كده.
تسمحيلى انى ارد على ابى هنا؟؟؟؟؟
ريحاب: انا مردتش ارد عليكى وافتحها مناقشه عندى لان فى غير معرفين اسخف من السخافه ومحبتش اخليها فرصه ليهم يشمتوا اكتر من كده.
سؤاااااااال يا ابى,,
مين اللى ادى الفرصه دى للمسخنتيه؟
مين اللى شوه فكره وضربها فى مقتل؟؟؟؟؟؟
سؤال تانى احنا نقدر نكون صريحين برضه,ونقدر نقول كلام سخيف,
بس دى مش هتكون صراحه ودى هتباه تجريح,,
لما غير معرف يقولك احساسك ايه وانتى بيضه؟!!!!!!!
مين اللى اداله الفرصه دى انه يقول كلمه زى دى؟؟؟؟؟؟؟؟؟؟
مش حد مننا وفينا؟
لو حضرت فرح مدونه ما وكانت كش حلوه يوم فرحها ادخل اقول انا حضرت الفرح بس العروسه كاااااااااااانت وحششششششششششششششششششه!!!
تفتكرى دى صراحه؟؟؟؟؟؟؟؟
ومين قال ان الموضوع سهل,
الموضوع مكنش فى اسماء لكن اهان وجود الناس كلها.
مع ان حتى اسماء الناس اللى اتقالت مكانوش بجد يستاهلوا كده,
ولو عاوزين نقلبها صراحه وتعليقات وانطباع كل واحد,
يباه كل واحد يستحمل باه,,مهو مش طرف واحد اللى هيتكلم ولا اييييييييييه؟
ونقلبها باه فاصل من الفرجه علينا؟
غلطانه انا؟؟؟؟؟؟
ما احنا ممكن نقول وانتى عملتى وعملتى وكل واحد فاهم هو عمل ايه؟!!!
انا اضايقت جداا من تصرفات معينه,
ومش انا لوحدى اللى اضايقت.
بس فى كلااااااااااااام ياريحاب يتقال وكلام ميتقلش,,,
ومش شطاره ولا نصاحه انى اقوله واقول انى صريحه!!!!!
ولا ايييييييييييه؟
من الاخر وزى مقولتها عندى:
**فى فرق بين الكلام اللى يتقال والكلام اللى ميتقلش,
مش جبن ولا خوف لكن لان فى قواعد للذوووووووووووووووووووق.
اسفه(حفيده عررابى انى رديت هنا دا بعد اذنك)
حفيدة عرابى
خلى بالك من موضوع الباث روم ده :-)))) فيه ناس بتراجع من البراشيم
ايوه اولاد الناس الهفليف برضه بيعملوا براشيم هافلايف :-)))
و بعدين انت بدرسى فين ؟؟؟لسه حد بيقول ابلة؟؟؟
دول المدارس الحكومية من زمان قلبوا لمس :-)))
مع إني مش فاهم حاجة
بس يارب كل يتصالح
سحابه وتعدي
ان شاء الله
انا اتعقدت من لقاءات المدونين بصراحه بعد الموقف دا
بس سحابه وتعدي ان شاء الله
المهم الخلاف ميتحولش لتجريح
وانا متفق تماما مع، انه مش معقول شخص واحد هيكون صح والكللللللل غلط .. صعب اوي
بسم الله ماشاء
الله ربنا يكملك
بعقلك كمان وكمان
حفيدة عرابى بحق وحقيق
وربنا يهدى الحال والنفوس
ويرجع الحال زى ما كان وأحلى.
ازيك ياقمر وحشانى معلش انا هشيل العليق لانى ماكنتش فاهمه الموضوع كده خالص وانا مااعرفش الموضوع كده خالص وانا طبعا ضد طرف على طول الخط تحياتى
شيما
أهلا بك من غير تعليق ياستى
ده كفاية نورك اللى مالى المدونة
على فكرة
انا من المنصورة
بس عايشةفى القاهرة
فعلشان كده
تلاقينى بايتةفى مدونتك على طول
ردى براحتك
بس انا حاسة
ان الموضوع قرب ينتهى
الحمد لله
واندا
انا فى مدرسةحكوميةعشوائيةفترتين
وعندنا الاغلبية بيقولوا مس
وقليل بيقولوا أبلة
وجمعها أبل
بضم الالف
لكن يااوختشى
معندناش حديتجرأ يقول باث روم
لا
الا كده
احنا بناتنا اخر أدب
وبالنسبةللبراشيم
بيتفتشوا يااختى
بس فعلا
العيال مؤدبةقوى
بيسمعوا الكلام من اول مرة
ممكن يكرر الغلطة
بس النظرة بتقوم بدور الردع
مش عارفة ايه الناس والمدارس
اللى بيربوا عيالهم دول
شرفتينى ياعسولة
دكتور ياسر
اهلا بك يادكتور
حمدا لله على السلامة
ان شاء الله شكل الموضوع كده هينتهى
ربنا يسهل
قلم رصاص
أهلا بحضرتك
هتعدى ان شاء الله
هو لازم الشيطان كده يدخل يضيع أى حلوة بينا
ربنا يهدينا
الدكتورةالعسولة
أهلا بك
اللهم امين
شكرا جزيلا على كلامك الجميل
تحياتى لك
جيجى
ازيك ياجميل
براحتك
بس هى المشكلةان شاء الله تتحل
تعرفي كنت قاعد بأفكر في الامل
فجاء في ذهني حضرتك علي طول
بأفكر نبدأ منين وحاولت تذكر اخواننا المدونين والمدونات الا ان البداية كما تخيلتها هي حضرتك
اتمني ان تنقبي لنا في التاريخ عن العظماء
تأتينا ولو كل اسبوع بشخصية
صورة الشخصية ومعلومات عنها
تعلميها لنا
واكون انا اول تلميذ في هذا الفصل الدراسي من حيث الالتحاق طبعا مش من حيث الشطارة :):):)
فكرت في موضوع الفتنة الطائفية فلم اجد غير استحضار صورة مكرم باشا عبيد
مجرد استحضار صورته وبعضا عنه نتعلم معني الوطنية وفعلا نسيج واحد
حينما تطغي الرأسمالية أستحضر صورة طلعت حرب
حينما تطغي الانانية استحضر صورة مصطفي كامل
حينما تطغي الخيانات استلهم روح عرابي
حينما تزيد التبعية العمياء العرجاء للغرب والاستعمار الناعم الحديث اتذكر صورة سعد زغلول
حينما يزداد الجهل نتطلع لمصطفي مشرفة
كلها صور لابد من استحضارها
يجب ان تكون هناك حملة ولتبدأ من النت لتذكر تاريخ مصر العظيم
لنضع في بيوتنا صور هؤلاء العظماء
حضرتك تدرسيها للطلبة
تعلميها في المدرسة
وتعلميها لنا هنا لنعلم غيرنا
نقول للشباب بدل ما تعلقوا صور المغنيين والمغنيات
علقوا صور العظماء دول
شعلة البداية هي انت
هكذا نكون ايجابيين
دورة عن عظماء تاريخنا
ونضعها علي مدوناتنا
ونبعتها ايميلات
ونبعت للبرامج الفضائية والصحف
نقول لهم شاركونا في حملة التوعية عن العظماء
وننشر الوعي والثقافة دي
دي البداية الصح من وجهة نظري المتواضعة
ومن يعمل فليس لديه وقت للخصام ولا التناحر
اتمني ان تساعدينا
وأسمحى لى
أكون التانية
فى الفصل دا يامس.
دكتور أحمد لاشين
تصدق بالله
انا عيطت وانا بقرأ تعليقك
لانى كنت حالا بكتب بوست ومسحته اكتر من مرة
بشتكى لربنا 2010
مضايقانى قوى
وعايزة أعمل حاجة أحس بيها انى مفيدة
وان ربنا راضى عنى
انا لى عظيم الشرف انى اعمل كده
بس المشكلة
التعود
انا اتعودت من سنين
انى ابسط المعلومة قوى
واشرحها لاشخاص
معندهمش فكرة عنها
لكن اتكلم مع ناس واعية وفاهمة
من زمان اوى ماعملتهاش
بس الفكرة جميلة جدا
وأنا مقدرش أضيع من ايدى فرصة زى دى
لكن حضرتك تساعدنى
أقترح على ابدأ بمين
أو بأى موضوع
وانا أقرأ من تانى وأحاول أكتب
لو حصل ده
يبقى ربنا ان شاء الله راضى عننا
ويبقى الوقت اللى بنقضيه فى النت مش ضايع
ياريت
ونشجع بعض
مش عارفة أشكر حضرتك ازاى على الفكرة دى
جزاك الله خيرا
دكتورة
الله يكرم أصلك
ده من ذوقك بس
تكملةالكلام
ان مش انا لوحدى اللى اكتب
كل واحد فينا متأثر بشخصية
يكون من حقه يكتب عنها
ويعرفنا بيها
افتحى الجرنال يا مس و اول كلمة ترن فى عقلك كلمينا عليها و عن تاريخها
او اقولك
كلمينى عن الظاهر بيبرس
اصلى حاسة انه مظلوم من واه اسلامه قوى
عمل كثير الراجل ده
و مش فاكرنله الا انه قتل قطز
واندا
الجورنال هيتوهنى ويسد نفسى
بصى بلاش نبدأ ببيبرس
نفسى أبدأ بحد بحبه أوى
لان انا كمان زعلانه منه على قتل قطز
بس انا فاكرة فى وااسلاماه
الكتاب مش الفيلم او المسلسل
ان بيبرس ندم على قتل قطز
وان معلومات خاطئة ونقص معلومات تانية كان السبب فى كده
طيب جربى تانى نبدأ بمين:)
و بعدين
اعيط زى العيال و ادبدب فى الارض و اقول مليش دعوة:-))) عايزة بيبرس
دا كفاية انه هو الى طرد الصلبيبين فى الاخر و محدش فاكرله اصلاحات كبيرة فى البلد الله يرحمه بقى عمل للناس بس الناس نسيه:-((
خلاص خليها صلاح الدين
بس مش اى كلام كلام من الثقيل يعنى مراجع و قصص و ميمنعش تكلمى عن اخوه الملك الكامل على ما اعتقد اسمه
انا بخير الحمد لله
شكراً لحضرتك على السؤال
طيبة :)
تعرفي ايه اللي بيموت الامم ؟
زي ما انت كاتبة فوق
ياعندليب
ماتخافش من غنوتك
قول شكوتك
واحك عن بلوتك
الغنوة
مش هتموتك
انما
كتم الغنا
هو اللى هيموتك
كتم الاحلام هو اللي بيموتنا
عايزين حلم نحلم به
ونعيش به
واحسن حلم هو العلم
ونبدأ باستلهام ماضينا
وربنا راضي عنك باذن الله
انا هأساعد بس مش في الشخصيات
انا دخلت اماكن كتير في مصر
اماكن مهمة
هيئات مثل هيئة الطاقة الذرية
ومؤسسات مثل الاهرام والاخبار
وشاركت في تأسيس صحف ومواقع وجمعيات اهلية واسر طلابية في الجامعة وحزب سياسي كمان
وكل تجربة استغرقت فترة ليست بالقليلة
وكنت حريص في كل هذه التجارب ان اتحسس واحاور عن الخلل
فيمكنني ان اكتب بعض هذه التجارب البسيطة
ويمكن لغيري ان يشارك بالذهاب للاكاديميين واساتذة الجامعة ليكتبوا لنا تخيل وتصور في اي مشكلة تواجهنا
ونذهب ايضا لهم لوضع تصور لحل مشكلات معينة في بلدنا ونعطي هذه الحلول للاعلام لينشرها او لمن يذهب بها للمسؤلين
نحن لسنا طلاب مناصب ولا سياسة
نحن طلاب نهضة
بيد اي شخص وباسم اي انسان
المهم ان نكون نحن بعض جنود هذه النهضة
وليكن العمل امام الجميع وعلي النت كل تفاصيل هذه الحملة
نضعها للجميع
وكل من استطاع المساهمة فليساهم
اعتقد ان الصامتون في مصر سينطقون وقتها
ولكن
لم تحدث في التاريخ ولن تحدث نهضة بدون رواد
واقصد بالرواد هنا هم مجموعة ممن يستقطعون من وقتهم جزءا لمثل هذه النهضة
لن اقول نسجن عشرات السنين مثل مانديلا
لكن اقول ليبذل كل منا في استطاعته
ولا نطلب شئ خارج القانون ولا العرف
عايزين تعليم صح
عايزين نفهم الطلبة والشباب ان فيه قدوات نتمثل بهم
وانت تبحثي في التاريخ كما شئتي
ونطبع بوسترات ونعلقها في بيوتنا
فيفعل مثلنا من حولنا
حضرتك تطبعي بوستر لمكرم عبيد صورته ومعلومات عنه وتعلقيها في المدرسة
وبوستر تاني لعبدالرازق السنهوري
وغيرهم كتير
تعرفي عايزين كوتش زي حسن شحاتة
و20 واحد بس في الفريق
صدقيني باخلاصهم هينتجوا
وعدد الفريق هيزيد
بس نبدأ بالتنفيذ
ويكون عملنا اكثر من كلامنا
وقتها ووقتها فقط
سندعو كل المدونين وسيساعدنا الجميع
فهلا كنتي انت البداية ؟؟؟؟
تعرفي
انا مرة حلمت حلم كبير
وخضت تجربة لمدة سنة ونصف وخسرت كتير
بس تعلمت اكتر
الحلم ده كان من 6 سنوات تقريبا
عنوان حلمي http://www.arabpress.4t.com/
وقابلت وقتها كبار الصحفيين والمفكرين في مصر
الا انه فشل
واعتقد اني شاركت في عدد من الاحلام
وكثير منها فشل
ولتحصين هذا الحلم من نفس المصير يجب ان نعمل في حدود قدراتنا وحلمنا ده بسيط
لكنه مثل قطرة الماء فوق الصخرة
تستمر في النزول حتي تفتت الصخرة
ولن نحلم بقرني وعل ولا نابي اسد ولا فكي تمساح او قرش حتي يفتتوا هذه الصخرة
فقط العمل المتواصل في التثقيف والتعليم
وكل واحد في مكانه ينشر القيم الصحيحة
واول هذه الامور بعد اذن حضرتك
ان يكون ردك بشخصية
ولن انتظر ان تقولي فكرة كويسة او حلمك كان كويس
لن نتحدث في كان
اريدك ان تكتبي ما سيكون
فلا تردي علي تعليقي هذا او سابقه بعد اذن حضرتك
وليكن الرد هو الشخصية الجديدة
"ما من كاتب الا سيبلي ويبقي الدهر ما كتبت يداه"
دمتي في رعاية الله
أنا صلحت البوست على فكرة
خلاص مبقاش مكتوب بالصيني ولا فيه عناكب
اضم صوتي لصوت د\ ياسر حيث اني مش فاهم حاجة يس ربنا يهدي النفوس
تحياتي
أنا من نحيتي خلاص مفيش حاجه وممكن ارضى بمجرد 2 مليار دولار استرليني وكباية عصير جوافه مقابل اني انسى اللي حصل
مع اني مكنتش طرف فيه :)
خلاص خلاص انا اتصالحت مع الواد حماده جارنا اللي خطف مني البقسماطه واحنا صغيرين :)))
لاء بجد
احياناً بحس ان احنا لما بنتعامل مع بعض بنتصرف كأن اللي قدامنا مجرد من الاحساس وعليه نستكمل مواقفنا بدون اعتبار للحساسية المفرطة او حتى الطبيعية للبعض الآخر
time heels
مفيش حل تاني :)
عندنا حفلة لأحد الأصدقاء هنا في المدونة دي
الصديق / مهندس مصري بيحب مصر
امممممممممممم...
ليكى نظرة كويسة فى المدونات
اتمنى ان النظرة دى تكون عندى ..بس خايف يحسن اشوف كل الناس زعلانة
..
تحياتى
ياااااااااااااااه
انتى عارفة احلى فيكى يا تيمو انك بتعملى اللى انتى عايزاه
يعنى اللى بتفكرى فيه وتشوفيه انه صح بتعمليه
انا برده عدت عليا مرحلة كده كانت برده مع شوية مدونين بس من الجانب الغربى مش من الجانب الشرقى بتاعكم
اصل انا مقسماها كده جانب الغربى بتاع الحب والذى منه وحكاوى القهاوى
والجانب الشرقى بتاع العباقرة
هما كانوا برده شبه متخنقين وكنت مكتئبة بسببهم بس كل واحد كان مقتنع برايه وكنت بقول لنفسى يعنى انتى يا اللى اصغر واحدة فيهم وناس كتير منهم بيتعاملو معاكى كانك عيلة هتيجى تصالحيهم
وتخليت عن موقفى من الصلح ده
وسيبتهم مع بعضيهم
عشان كده كنت هاسيب المدونة بجد
هيييييييييييييييه
ربنا يهدى النفوس ويصلحهم على بعض
ومن موقعى هذا
ومن خلال اعسل حفيدة لعرابى باشا
اوجه ندائى هذا للناس اللى من الجانب الشرقى انتم دماغكم اكبر من كده وتفكيركم ارقى من اى حاجة
اينكان سبب الزعل مايوصلش للدرجة دى
وحشانى يا تيمو والله
يالهوش ده كله رغى
اه انا كنت ناوية الانتقام بعد الامتحانات بس مش بالطريقة دى ومن اول مرة
كويس انها جت فيكى :)))))
يا أبلة أنا مش متضايق
:)
أنا الحمد لله علاقتي التدوينية كويسة مع معظم الناس
و الحمد لله إن الموضوع إتقفل و انتهى
استمتعي بالأجازة قبل الدراسة ما ترجع :)
سلامُ عليكم
بدراوى
يارب تكون بخير
اختفاءك غامض
حتى مش موجود فى التعليقات
ربنا يوفقك
واندا
حاضر
علشان خاطرك ياجميل
هتنزل المرة دى:)
اليس
لا انت اللى طيبة:)
انت متعرفنيش
دكتور/ أحمد لاشين
حاضر
مش هكتب رد على تعليق حضرتك :)
دكتور ياسر
أهلا بحضرتك
حصل خير
انا قلت حضرتك اندمجت بس مع الموبايل مش اكتر :)
استاذ طارق مؤمن
أهلا بحضرتك
ان شاء الله النفوس هدأت
تحياتى لحضرتك
استاذ تامر
أهلا بحضرتك
أهم حاجة ان الانسان تكون طلباته متواضعة:)
دولار استرلينى !؟
لا فكرة كويسة:)
تحياتى لحضرتك
ميمى وأحمد
شكرا جزيلا
على اهتمامكم وفكرة المدونة جميلة فعلا
جزاكم الله خيرا
well
ليه بس فى ايه؟
فى مدونات كتير فظيعة
بس دى بتتعرف عليها وتتصدم
ويجيلك اكتئاب
وبعدين خلاص
مايستاهلوش انك تديهم اهتمام
انا بتكلم عن اللى بيسعدونى فعلا
شرفتنى
الست الضاكتورة
وحشانى والله
عاملة ايه؟
بيتزا:)
طيب ابعتى شوية مع صاصا:)
هاقولك على حاجة ياعسولة
انا بقولها لنفسى دايما
لانى بنسى وبرجع فى كلامى
اعملى الصح
ولوجه الله
واستحملى اللى هيجرالك
لان الشيطان فى كل حاجة بتعمليها كويسة
هيحاول يزعلك
علشان ماتعمليش الخير ده تانى
وبعدين ساعات كتير الناس بتتصالح بعد فترة
لما تكون النفوس صفيت
المهم وقت الازمة
محدش يدخل يسخن الموضوع بزيادة
حلو الجانب الغربى بتاع الحب والكلام ده
انا كبرت يااوختشى على الحاجات دى
ومعنديش مرارة:)
وكمان
قدراتى العقلية والذهنية
اتدهورت
فمش عارفة اقعد فى الجانب الشرقى
اروح فين دلوقت؟:)
ارغى براحتك ياماما
انا اخدت الاجازة
نوعا ما
بس يارب
نتهنى بيها
مهندس مصرى
أهلا وسهلا بحضرتك
الف مبروك
ربنا يتمم بخير
حلوة حكاية أبلة دى:)
شكرا
وبعدين كلمة متضايق دى
علشان بس انا شفت تعليقك عند أحمد سعيد
وفاهمة ان الطرفين أعزاء بالنسبة لك
فحتى من غير تعليقك عن أحمد سعيد
اكيد كنت متضايق
ده كان قصدى
:) معرفكيش جايز
بس اعرف الطيبة :)
هي فتنت عليكي :)
ربنا يباركلك
اليس
الله يكرمك
بس انا ممكن أصدق
وهتبقى مشكلة :)
صدقيني المشكلة مش في تصديقك .. المشكلة حقيقي في هل تستحملي تلقبي باللقب دا و تشوفي كل اللي بيشوفوه اصحابه في مثل هذا الزمان ؟؟!!
:) طيبة بردة
اليس
لا مقدرش بصراحة
علشان كده
بقولك
مش طيبة
إرسال تعليق