معالى عتريس التعليم
الذى زار المزبلة
مالى الدهاشنة الخوف
لهذا السبب
لن تتمكن منا المفاجاة
ولن ينجح العرض القادم عندنا
عندما تحين اللحظة الموعودة
ويظهر موكب معاليك يشق الغبار
ويعبر الفيافى والصحارى والعشوائيات ليصل إلينا
ومعك كل الاخوة المبتسمين والسعداء بتوع التلافزيون
فى هذه اللحظات الحاسمة من عمر التعليم فى مصر
لن تجد سيادتكم مزبلة فى مدرستنا
بل ستجد معاليك العديد من اللافتات
نتمنى لسيادتكم فيها أعواما عديدة فى التربية والتعليم
وأن يوفقكم سبحانه لزيارة الكثير والكثير من المزابل فى بر مصر المحروسة
وان ينعم الله علينا بالعمر الطويل
حتى نرى ابن سيادتكم وزيرا للتعليم
يزور مقالب القمامة المسماة بالمدارس الحكومية
(2)
معالى عتريس الداخلية
مالى الدهاشنة الخوف
لذاهنيئا لكم حفظ الامن والامان
الشاب أحمد مهنى كان يشكل خطرا على الامن العام
لذا وجب اعتقاله لحماية البلاد والعباد من شره
والبرادعى وغيره من الشرذمه والقلة المندسه
التى تهتف بغير ما أوحى مولانا الذى يسكن قصر العروبة
هم عملاء وخونه يرغبون فى نشر أفكار مريبة لاتتناسب مع أخلاقيات مجتمعاتنا الطاهرة
مثل انهاء حالة الطوارىء واشراف القضاة على الانتخابات و دستور وتغيير وديموقراطية
وغيرها من الكلمات التى يعف القلم ويندى الجبين من ذكرها
موقفكم الحاسم من رمز من رموز الانحلال
وهو الشاب أحمد مهنى بفعلته الشنعاء
عندما تجرأ ونشر.....
ياإلهى
ياله من فعل دنىء
ينشر.!؟
معاذ الله
موقفكم من هذا الفعل بعث الطمأنينة فى قلوبنا
لذا قررنا أن نبلغ سيادتكم
اننا على العهد باقون
احنا الدهاشنة
والدهاشنة كلها هتدفع التمن
حتى مجىء فؤاده
أو أى من أحفادها
(3)
المواطن أحمد مهنى
القابع فى زنزانة بالتأكيد ضيقة
لا أتمنى لك ولا لغيرك السجن
فك الله كربك وكربنا
ولكن أحيانا يكون السجن أحب الينا مما يدعوننا اليه
35 التعليقات:
كلماتك قصيرة لكنها مركزة ورسائل الى من يهمه الامر لكن المشكلة هي من يعي ويسمع
مفيش فايده
ارحموا عزيز قوم ذل
..
ارحموا الدهاشنة ..ارحمونا ..
تحياتى لتلك الكمات
الدهاشنة الخايفين بيدعولك يا احمد
تسلم عالكلمات
ربنا يفك
سجنه وسجن
مصر كلهــــا
تعليقي الاول عندك.. بس مش زيارتي الاولي... تقبلي مروري وتحياتي
الدهاشنة بيشجعو الحكومة في افعالها الحمقاء... واحنا معاهم..
تحياتي
خواطر شابة
أهلا بحضرتك
لكن هى رسائل لنا
حتى يكون هناك من يهمه الامر رسميا
شرفتينى
سعد زغلول الشهير بلورنس العرب
أهلا بحضرتك
ليه كده:)
أنا سهل تعرضى للاحباط
خلى عندنا أمل
باشمهندس ويل
ربنااننا ظلمنا أنفسنا وان لم تغفر لنا وترحمنا لنكونن من الخاسرين
الرحمة من ربنا لمن يستحقها
انا على فكرةلسه مش نسيت الخضة على اسامة
شرفتنى
safa7-karmooz
اهلا بحضرتك
لازم الدهاشنة يخافوا
اتعودوا على كده
تحياتى لحضرتك
الدكتورة العسولة
اللهم امين
عارفة عندنا فى المدرسة مقولة جميلة جدا لمحمد فريد
كان سجن وقالها لما خرج من السجن
لقد مضى على ستة اشهر فى غيابات السجن ولم أشعر أبدا بالضيق الا عند اقتراب خروجى لعلمى انى خارج الى سجن اخر هو سجن اخر هو سجن الامة الذى يحرسه سلطة الفرد ويحرسه الاحتلال
تحياتى لك
كلما ضاق الحصار وصغر السجن كلما اتسع نطاق الحرية!!
سمع هوص الشهير بابوعلى
ولا العكس
اهلا بحضرتك
لا هما الدهاشنة اتخنقوا وهانت ان شاء الله
انا عايزة اعترف لك بحاجة
انا كمان دخلت مدونة حضرتك اكتر من مرة
وكنت ناوية ابارك لك على خطوبتك الابريلية
لكن ظروف كتير بتمنع انى اركز واكتب تعليق
فرصة سعيدة جدا
حضرتك شرفتنى
دندنة
أهلا بك
هوالغباء بيصورلهم ان السجن والخوف هيجيب نتيجة فعالة
لكن
هناك دائما القشة التى تقصم ظهر البعير
شرفتينى
احمد خرج يا فيدوووو
الحمدلله
الصديقة حفيدة عرابي
كلكن فؤادة
علشان كده انا مطمأن
تحياتي
فاتيما
نورت المدونة ياجميل
وبخبر حلو كمان
الله يكرمك ويفرح قلبك دائما
أستاذ طارق مؤمن
أهلا بحضرتك
فؤاده!!
لا ده كتير قوى
ده احنا دهاشنة دهاشنة قوى
ده وقفتها بس وفتحها الهويس
حكاية لوحدها
لكن كويس ان حضرتك مطمأن
ربنا يكتب لينا ولبلدنا الخير
حفيدة عرابي
والله رغم كل شيء
كلي أمل
لكن أيضا حتى نغير ما بأنفسنا..
على جنب: أسلوب التدوينة وطرح الفكرة فوق الرااائع الحقيقة
كل الحب..
هبـة,,,
يا ليته يستطيع القراءة ليقرأها .... فالبعض عندما يتمكن من منصب ما ينسى القراءة ويتحول الى "كاتب" فقط في ديوان مولاه
تحياتي
بجد الله ينور عليكى
ميه ميه
اعاننا الله واعانكم على ظلم الظالمين
السلام عليكم
والله بالنسبة لموضوع الدهاشنة هذا وعتريس وكلام من ده فلن اعلق عليه بشكل مباشر
وان كنت رأيت حلقة السبت من العاشرة مساءا مع عتريس وكانت المواجهة ساخنة واحسب انه خرج مؤيدا بالنصر ومباركة اغلب الجمهور الذي اتصل وبما احرج السيدة مقدمة البرنامج نفسها
وانا احتفظ برأيي لنفسي وان كنت اريد ان اعرف دلالة هذا بالنسبة للدهاشنة ودون انفعال
تحياتي لاضافاتك
هبة النيل
اهلا بك
انا كمان عندى أمل
شكرا جزيلا على الاطراء
استاذ تامر على
أهلا بحضرتك
هم كتاب فى دواوين مولاهم
لكنه كاتب لا يحتمل
اسامة
حمدا لله على السلامة
ليه الغيبة الطويلة دى
ينفع القلق اللى عيشنا فيه ويل؟ :)
شكرا جزيلا يااسامةعلى المجاملة
تايه فى وسط البلد
وعليكم السلام ورحمة الله وبركاته
أهلا بحضرتك
كان نفسى والله أعرف رأى حضرتك
لكن عموما
انا لم أشاهد الزيارة رغم سماعى عنها كثيرا الامؤخرا
وكان لها تأثير بشع على نفوسنا
و لم اشاهد حلقة العاشرة مساء
وبعد مشاهدتها فى أقرب فرصة
ممكن نتناقش عن الدهاشنة المعلمين بتوسع
تحياتى لحضرتك
شيمو
ابعتيلى ايميلك ضرورى
عايزة اقولك كلمة سر
دة الميل بتاعى
raniarachad@yahoo.com
سبهللة سابقا
بحب مصر
واحنا كمان
علم يافندم وتم التنفيذ
حفيدة عرابي
قال المهاتما غاندي
يتجاهلونك
ثم يسخرون منك
ثم يحاربونك
ثم تنتصر عليهم
ان شاء الله البرادعي 2011 رئيسا
بس لازم كلنا نبقى معاه ربنا ينتقم من الظالمين
تحياتي ويبقي التواصل
استاذ هيثم
أهلا بحضرتك فى أول زيارة
شرفتنى
الحقيقة انا متابعة البرادعى فى صمت
اتمنى انه يكون على قدر توقعاتنا
معرفش هيكون فى رأيى صالح انى انتخبه رئيس ولا لا
لكن على الاقل حاليا
انا من أشد المؤيدين لفكرة تغيير الدستور
واشراف كامل للقضاة على الانتخابات
والغاء الطوارىء
وكل الافكار المشروعة فى بيانه للتغيير
لو استمر هذا الاتجاه
انا معاه ان شاء الله
اتمنى زيارة حضرتك تتكرر
ابلة العرابية
هو أنتِ معطلة
التعليقات
عن اخر تدوينة
اللى هى بعد دى !؟
لا والله ياأوختشى
الظاهر المدونة بتخرف
عايزة اقولك أنى
مصدقاكِ فى كل كلمة
لانى برضه بعانى من نفس
المشاكل:اهم حاجة الزبون
قصدى المريض يخرج مبسوط وما
يشتكيش وياخد اللى هو عايزة
ولو حتى مش محتاجة لكن علشان
يديه لجاره مثلاً او يبيعه ويشترى به حاجة هو عايزها؟!الاحباط
والقهر ماليكِ ومالينا
وعندى من الاقارب والاهل
اللى بيشتغلوا مدرسين
وبيوصففوا نفس الوصف
للأسف ياابلة العرابية
الناس عاملة زى(بردون يعنى الهبل)طبلة توقفهم وعصاية تقعدهم بقى هى الزيارات
المتفاجئة دى هى اللى حتصلح حال التعليم؟ياأخى دى دها دا؟!
اولا
بحب جدا كلمة( بردون) منك
ثانيا
شكرا جزيلا على التشجيع لانى فعلا حسيت بالاحباط
ثالثا
حتى المدرسين احبطونى
زميلة لى امبارح ملتزمة جدا بالفطرة
بتقولى ده دمه خفيف ولذيذ
واصل الشعب المصرى ماينفعش معاه غير الكرباج
قلت لها الزيارات هتصلح حاجات شكلية
قالت لا هى دى البداية
وبتغيظنى وتقولى ده كفاية خفة دمه:)
ماسكتتش الا لما هددتها
انى هحطها جنبه فى الحتة السودة اللى فى قلبى:)
ساعتها قالت لا
مش حتة وزير يفرق بينا
ده حتى دمه تقيل
إرسال تعليق