كلمات راقصة
بقلم جلال عامر ١١/ ٥/ ٢٠٠٩
■ البعض يطالب بحل مجلس الشعب وتفكيك القبة.. الأفضل إما أن نطلق سراحه أو نحبسه فى دار ابن لقمان ونطلب فدية.
■ بعد القضاء على الخنازير.. البعض فى انتظار أنفلونزا تنتقل عن طريق «الخمر».
■ انتشرت جداً درجة «الدكتوراه» المضروبة.. فى الأسواق «دكتوراه» صينى لكل المقاسات.. بعد عام واحد من استعمالها تتحول إلى «إعدادية».
■ أحياناً أشعر بأن مبعوث الأمم المتحدة الذى يزور المنطقة يحمل معه مقترحات بخصوص «العلاوة».
■ أنا مع الحكومة فى عدم رفع العلاوة، لأن رفع العلاوة سوف يؤدى إلى تركيز الثروة فى أيدى الفقراء، وممكن ينحرفوا ويعملوا حفلات ماجنة ويشربوا عصير مانجة.
■ فى قرار متسرع أعلن السيد وزير التربية والتعليم أنه لن يتم تسريب الامتحانات هذا العام.. انتظروا وقفة احتجاجية لأولياء الأمور.
■ أقرَّ مجلس الأمن مبدأ الأرض مقابل السلام، وهو المبدأ الذى تؤمن به مصر، إذ توزع الأرض مقابل السلام عليكم.
■ على طريقة بيانات عام ١٩٦٧ تصدر الوزارة كل ساعة بياناً تقول فيه «قتلنا ٣٥٠ خنزيراً وأصبنا ٩٦ وحاصرنا ٢١٤ وأسرنا ١٨٤»، ثم يستعرضون منظر الأسرى فوق العربات.. شكل المعركة من واقع هذه البيانات أن الخنازير سوف تحتل القاهرة ويتنحى وزير الصحة.
■ هناك مجهود ضخم مبذول، فكل عشرة أمتار يستوقفنى «شحات» تبدو على وجهه آثار «التنمية».
■ الاستقرار - الرخاء - التنمية.. التطعيم الثلاثى عن طريق الفم.
الاثنين، 11 مايو 2009
تخاريف
استاذ /جلال عامر
كل مقالاته فى المصرى اليوم جميلة
بس النهارده لذيذة اوى
قلت اخليكم تقروها معايا
مادام مهندس مصرى حط لنا نكت
نحط كمان تخاريف
ايه رأيكم ؟
جميلة مش كده؟
مرسلة بواسطة حفيدة عرابى في 12:31 ص
الاشتراك في:
تعليقات الرسالة (Atom)
17 التعليقات:
كلام حلو ومنطقي
بينقل واقع منيل لينا بطرقه تهلك من الضحك
هى حلوله كويسه تنفع معانا بصراحه
حلوة
لورنس العرب
نورتنى يافندم
هو كل كلامه بيعجبنى الحقيقة سخريته سوداء
ابى
اهلا وسهلا بيك
الامبراطورة بذات نفسيتها عندنا
ايه الهنا ده
عقبال واحدة كده كمان وابقى حققت كل احلامى
نورتينى يافندم
مهندس مصرى
اهلا وسهلا بيك يافندم
أنا بقول كده برده
لقد خلقنا الله احرار ..
هى طريقة جميلة فى الكتابة ..على طريقة الساخر..
..وتقبلى تحياتى ..
كلمات أجد فيها الكثير من الواقعية بمفردات الفانتازيا:)
اختيار أنيق احييكِ عليه :)
تحياتي :)
من كتابات الكتاب الروس الساخرين
زادالاحتقان ومهدت لقيام الثوره البلشفيه فى عام 1917وكان لينين يقرأها
فاستعجل العوده من المانيا.....
well
شكرا لزيارتك هو دايما بتعجبنى كتاباته
استاذ تامر على
شكرا لمرورك ومجاملتك
هو فعلا تعبير عن الواقع المرير بالفانتازيا
اهو نبتسم ابتسامات صفراء على حالنا بدل ما ننفجر
العجوز والبحر
اهلا بيك يافندم
هو فعلا الاسلوب ده نتائجه فعالة
بس متهيألى احنا بلد محتاجين اكتر من كده بكتير
محتاجين ناس خالصة النية تكون كل مهمتها فى الحياة انها تشيل الغشاوة من على قلوبنا قبل عيوننا
الأبنة العزيزة---حفيدة عرابي
اشكر لك اهتمامك و سؤالك
التوقف بسبب عطل بالكمبيوتر و الأحوال علي ما يرام و الحمد لله
المقالة جميلة وان كان حال بلدنا يستحق سخرية اكثر مرارة لعلنا نفيق
تحياتي
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039
هههههههههههههههه
ده شكله فعلاًُ كان رايق أوي وهوه بيكتب الكلام ده
بحب الإسلوب الساخر ده جداً
مكنتش بقراله قبل كده
بس بعد كده إن شاء الله هقرأله
جزاكِ الله خيراً
فعلا جميله تخاريف تمام التمام
دة الميل بتاعى
raniarachad@yahoo.com
ابعت لى الميل بتاعك وقولى فيه انك لقد خلقنا الله احرارا عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم
إرسال تعليق