ينقسم الحديث باعتبار وصوله إلينا الى
1- الحديث المتواتر
2- الحديث الآحاد
المتواتر فى اللغة المتتابع من تواتر المطر أى تتابع
وفى علم مصطلح الحديث
هو مارواه جمع عن جمع يحيل العقل أن يتفقوا على الكذب أو أن يقع منهم مصادفة عن مثلهم
من أول الاسناد الى اخره وأن يستندوا الى أمر محسوس من سماع أو رؤية
الجمع فى اللغة أقله اثنان أما فى مصطلح الحديث فأقله عشرة وأكثره لا حد له
طبقة الصحابة تحملت الاحاديث عن النبى عليه الصلاة والسلام
ثم نقلوا ماسمعوه لمن بعدهم من التابعين الذين قاموا بنفس المهمة مع اتباع التابعين وهكذا.....الخ
اشترط علماء المصطلح الا يقل العدد فى كل طبقة من طبقات الرواة عن عشرة
بحيث يستحيل أن يتفق هؤلاء العشرة على الكذب أو أن يقع منهم جميعا الكذب صدفة
وأن يكون مانقلوه عن الرسول عليه الصلاة والسلام أمرا حسيا
بمعنى ان تقول اخر طبقة فى سلسلة الرواة لقد سمعنا رسول الله يقول كذا أو رأيناه عليه الصلاة والسلام يفعل كذ ا
اذا اجتمعت هذه الشروط فى الحديث كان متواترا
مثلا
حديث من كذب على متعمدا رواه 79 صحابى
كل الصحابة عبارة عن طبقة واحدة
لابد الا يقل عدد رواة الحديث فى كل طبقاته التالية عن عشرة
اذا تحقق هذا الشرط اعتبر الحديث متواترا
مثال
حديث انما الاعمال بالنيات
من أشهر الاحاديث وأول حديث فى صحيح البخارى ولكنه حديث آحاد
لان عمر بن الخطاب هو الوحيد من طبقة الصحابة الذى روى هذا الحديث
وقد رواه عنه الكثير والكثير فى الطبقات التالية
ولكن لفقدانه شرط العدد ولو فى طبقة واحدة من طبقات الاسناد اعتبر من الاحاد
ماذا يفيد الحديث المتواتر
يفيد العلم اليقينى الضرورى لسامعه
فالحديث المتواتر يلى القرآن الكريم فى المنزلة والرتبة من حيث الثبوت
ويجب العمل بالحديث المتواتر
وهو صالح فى الاحتجاج به فى اثبات العقائد والاحكام الشرعية
سواء العبادات أو المعاملات وكذلك الاخلاق والاداب
حكم من ينكر الحديث المتواتر
أولا من ينكره مع علمه أنه متواتر وعلمه بحكم منكر المتواتر يكون كافرا
أما من يتأول الحديث فلا يكفر
كما أن مذهب أهل السنة والجماعة هو العذر بالجهل
بمعنى أن من ينكر المتواتر أو لا يعلم حكم انكار المتواتر فلا يصح المبادرة بتكفيره
بل يجب أن يبين له العلماء الحكم
أقسام الحديث المتواتر
1- المتواتر اللفظى
ماينقل الينا بلفظ النبى عليه الصلاة والسلام
مثال
من كذب على متعمدا فليتبوأ مقعده من النار
2- المتواتر المعنوى
مثل أحاديث رفع اليدين فى الدعاء
ورد حوالى مائة حديث فى قضايا مختلفة ولكن ذكر فيها جميعا رفع النبى عليه الصلاة والسلام اليدين فى الدعاء
فيكون المتواتر هنا ليس أصل القضية وانما رفع اليدين عند الدعاء
مثال روى عن حاتم الطائى انه أعطى فلان جملا
وأعطى فلان فرسا
وأعطى فلان شاة
فالمتواتر هنا ليس اثبات انه أعطى جملا أو فرسا أو شاة
وانما العطاء
الاحاديث المتواترة قليلة لصعوبة شرطها
54 التعليقات:
انا مش حعلق بمديح لجهد حضرتك
اللى تشكرى عليه طبعاً
بس ليا سؤال
ليه اى حد بيطلع يقول ان البخارى فيه احاديث غير صحيحة بيتشتم
؟!!!!
السؤال الثانى لو احاديث عقلى مش قابلها زى ما قولت لحضرتك او حاسس انها متناقضة مع معنى الإسلام والقرآن
هل يجوز انى ارفضها؟!
او اقول جايز مش صحيحة
ماشاء الله مجهود رائع
بدراوى
شوف أنا هتكلم معاك من قلبى وربنا يستر مايكونش كلامى غلط
الدين عموما زى ماأنت عارف ماينفعش تاخد كل حاجة بالعقل المطلق
لان زى ماانت عارف فى غيبيات محتاجة قلبك فى التصديق
كمان أول مابدأت أسمع عن ان البخارى أصح كتاب بعد القرآن
استغربت وقلت لا مش معقول
ازاى؟
القرآن حماه ربنا سبحانه وتعالى من التحريف
لكن أى جهد بشرى تانى العقل بينفى انه يكون صادق مائة فى المائة
بس بعد شوية
اكتشفت انى بتكلم وانا قاعدة مرتاحة جدا
ومش درست حاجة
وماينفعش وانا قاعدة قدام الكمبيوتر
بتسلى
اقول البخارى غلطان
ليه
لانى عرفت شوية من المجهود الكبير جدا اللى بذله البخارى فى تتبع الرواة
والتأكد من عدالتهم وقوة حفظهم والتأكد من اتصال السند
وعرفت ان البخارى اختار عدد قليل جدا من الاحاديث اللى ضمها فى كتابه
اللى كان متأكد بشروطه الصعبه انها صحيحة
لان الامام البخارى وغيره وضعوا شروط لاعتبار الحديث صحيح
اقوى الشروط دى واصعبها كانت شروط البخارى ثم مسلم
اللى عرفته كمان ان فى علماء انتقدوا بعض الاحاديث فى البخارى
وان الانتقادات دى مردودة
يعنى طلعت مش مظبوطة
بس العلماء بمخهم الجميل
لما بيحتجوا بالبخارى بيحتجوا بالاحاديث اللى كان فى اجماع من الائمة على صحتها
والاحاديث اللى كان فى انتقادات ليها حتى ولو باطلة
هى احاديث صحيحة
بس مش نفس قوة الاحاديث التى لم توجه لهاانتقادات
السؤال المهم
ليه بيتشتم؟
لان فى ناس وظيفتها التشكيك فى البخارى
من زمان
مش لنفس الافكار اللى فى دماغك
لا
لان التشكيك فى احاديث البخارى اللى اخدت اجماع من المسلمين على صحتها
تشكيك فى السنة
والتشكيك فى السنة مقدمة لهدم الدين كله
لان بعدها بشوية القرآن مش هيسلم من ايديهم
وكمان علشان السنة كانت المصدر الثانى للتشريع
وفيها احكام كتير
واوامر سواء بتفسر وتشرح وتوضح ماخفى علينا فى القران
شوف الاية الكريمة
(وانزلنا اليك الذكر لتبين للناس مانزل اليهم ولعلهم يتفكرون)
زى مانت عارف فى احكام كانت مجملة فى القرآن والسنة فصلتها
زى العبادات من صلاة وصيام وحج
عرفنا كل تفاصيلها من السنة
والسنة بتخصص العام
ربنا سبحانه فى القران امرنا نقطع يد السارق
لكن السنة هى اللى خصصت نقطع منين وأى سارق وازاى
وكمان السنة بتفسر القران
زى الصحابة لما زعلوا لانهم فهموا الاية الكريمة فهم خاطىء
(الذين امنوا ولم يلبسوا ايمانهم بظلم أولئك لهم الأمن وهم مهتدون)
لكن السنة وضحت ان الظلم هنا بمعنى الكفر
السنة كمان أسست لأحكام ليس لها نص فى القرآن
زى تحريم الجمع فى الزواج بين المرأة وعمتها والمرأة وخالتها
السنة كمان حرمت بسبب الرضاع كل ما يحرم بالنسب
لان القران لم يحلرم بسبب الرضاع الا الام المرضعة والاخوات من الرضاع
لكن حرم بسبب النسب
سبعة
الام والبنت والاخت والعمة والخالةوبنت الاخ وبنت الاخت
السنة شرعت زكاة الفطروتحريم أكل الحمر الاهلية
يبقى المشكلة
مش شخص الامام البخارى اللى يستحق مننا كل احترام وتقدير لجهده وعلمه
لكن المشكلة رغبة البعض فى هدم الدين
والبداية بصحيح البخارى والسنة
علشان كده بتلاقى هجوم ضارى على كل واحد بيشكك فى البخارى
وانت عارف حكايات القرآنيين والقرف اللى احنا عايشين فيه
لو تأملت المقولة
ان صحيح البخارى أصح كتاب بعد القرآن
مش هتلاقيها غلط
لان البخارى كتب الصحيح فى 16 سنة
ومكانش بيضع حديث فى الكتاب الا بعد صلاة الاستخارة
عارف البخارى بيحفظ مائة الف حديث صحيح
و200 الف غير صحيح
ومع ذلك كتابه بيحتوى على 7275 حديث صحيح فقط
البعض منهم مكرر
يبقى الخلاصة فى الكتاب 4000 حديث
كمان البخارى لما بيذكر حديث بيذكره بأصح أسانيده
كمان ممكن تلاقى احاديث صحيحة فى غير البخارى ومسلم
لكن مش ممكن تلاقى حديث غير صحيح فى البخارى وبعديه مسلم
فى البداية واحنا منعرفش حاجة عنه
هنقول العقل بيرفض ان تكون كل احاديثه صحيحة
لكن لما نعرف عنه حاجات بسيطة
هتلاقى عندك انبهار بالعقول والقلوب
اللى ربنا سخرها لخدمة الاسلام
كمان ربنا سبحانه وتعالى بتعهده بحفظ الذكر قادر يسخر للمسلمين اللى يحفظ لهم سنة نبيهم
انا لما اخدت الموضوع بالطريقة دى
ارتحت قوى وأعجبت جدا بالامام البخارى
وعمله
فى حاجة كمان لما تلاقى حد بيهاجم حاجة حاول تعرف مين اللى بيهاجم وبيهاجم ليه
يعنى القرآنيين احنا فاهمين اغراضهم ايه
وفى حديث للرسول عليه الصلاة والسلام
بيتكلم عنهم
والشيعة كمان بيهاجموا كتب السنة
لاسباب تخصهم
لكن الجميل انهم بيعتمدوا مثلا على أحاديث صححها الامام جعفر الصادق
والاحاديث الصحيحة عن جعفر الصادق هى الصحيحة عن البخارى
حاجة كمان
احساسك ان عندك اعداء غير منصفين
وبيحاربوك فى دينك بيخليك تدافع بعنف
وبضراوة
لكن متهيألى لو احنا فى عصور علم وحضارة
كان كل واحد من حقه يطرح الاسئلة ويلاقى اجابات
اما انا لو لقيت حديث عقلى وقلبى مش قابله
بستنى شوية لغاية مادور يمكن ربنا يوصلنى لسكة تانية فى فهمه
او يطلع حتى اتشرح بطريقة غير اللى ارادها الرسول عليه الصلاة والسلام
او يطلع غير صحيح خالص ويريحنا
لكن الصح ايه كفتوى:)
لا حفيدة عرابى مالهاش فى الكلام ده:)
مرايتى
الله يكرمك
شكرا جزيلا على زيارتك لى
السلام عليكم و رحمة الله وبركاته
فرحتيني و اسعدتيني و بسطيني جداااااا
مش تبقي تيجي كل يوم :)
الموضوع جميل ربنا يفتح عليكي ويزيدك من فضله .. بسيط وميسر و سلس من غير تعقيدات في الشرح :)
اما تعليقك علي الامام البخاري رضي الله عنه فهو اكثر من رائع بجد مش مجاملة.. ربنا يجعلنا من رفقائه لانه هو اكيد من رفقاء النبي صلي الله عليه وسلم :)
مناسب اوي كلامك مع ذكري الاسراء والمعراج .. اللي هيحكم العقل الخالص عمره ما هيصدق انه اسري به من المسجد الحرام الي المسجد الاقصي و عرج الي السماء و قابل وشاف وسمع اعظم خلق الله من الانبياء والرسل عليهم وعلي نبينا الصلاة والسلام
سبحان الله .. الصحابة والتابعين والعلماء الاجلاء فعلا يستاهلوا اعلي المراتب في الدنيا والاخرة .. بجد لما الواحد بيشوف المشقة اللي عاشوها و تضحياتهم في سبيل العلم النافع بيتمني يكون ولو شغال عندهم يمكن ربنا يفتح عليه وينعم عليه بقليل من علمهم
عارفة كمان لما تسمعي الكلام دا وانتي حاضرة في المجلس غير لما تقرأيه خاااالص .. لذة السمع والرؤية في الامور دي بتبقي جميلة وليها اثر قوي في النفس .. ممكن تنسي اللي قرأتيه بس بيتهيألي صعب تنسي موقف سمعتي فيه علم وخصوصا لو دخل قلبك وعقلك وحستيه .. زي ما تسمعي مقريء صوته جميل وهو يقرأ ويرتل وانتي حاضرة في نفس المكان لايف .. غير لما تسمعيه في شريط مثلا.
ربنا يجعل ما كتبتي في ميزان حسناتك يارب و يثيبك عنه خيرا في الدنيا والاخرة :)
بجد فرحتيني في اول اليوم :) اشكرك جدا
أليس
وعليكم السلام ورحمة الله وبركاته
ماأنا كنت مستنياكى
كويس انك جيتى بسرعة
والحمد لله انك مبسوطة
وانت اللى بتسعدينى والله
انا محضرتش دروس علم
هى بس المحاضرات فى المعهد
وفى اساتذة كانوا بيتكلموا عن البخارى بتبجيل
تحسى فعلا ان جو المكان والحديث بيوديك فى سكة الاقتناع
وفيهم ماشاء الله ربنا يكرمهم لما بيكون عندهم وقت اللى بيسمعك وحريص انه يفهمك ويضحك معاك فتحاولى تستوعبى
يعنى دكتور الحديث السنة دى كتر خيره
من اللى شافه منى
كل شوية اديله سؤال
وهو يقولى وهو بيضحك مش هارد عليك الا لما تستغفرى الله أولا
وبعدين يشرح
وافهم انا ماشاء الله على ان السؤال كان بينم عن جهل مطبق وانا فاكرة نفسى بشغل عقلى وبحاول افهم
زمايلنا بعضهم قبل الدكتور مايرد
يبدأوا بالتعنيف
ويقولوا نفس كلام الكتاب
طيب ماانا الكتاب قدامى
يقوم الدكتور يشرح المعنى اللى محدش فينا فاهمه
الخلاصة ان ديننا ده جميل
وان مفيهوش حاجة تخالف العقل والقلب
بس أى عقل وأى قلب
اللى متربيين على ايه ؟
فظيعة انا لما أقعد كده وأقول حكم :)
قولى لى بطلى رغى وروحى ذاكرى:)
السلام عليكم ورحمة الله وبركاته
وعليكي السلام ورحمة الله وبركاته
عارفة
انا مبحبش اللي يعنف اي حد عايز يعرف اي حاجة .. لانك لو مجاوبتش انت عليه هيدور علي حد يجاوبه و مين عارف هيقوله ايه .. واعتقد ان اللي يعلم الاجابة و يحبسها يبقي حابس علم وآثم
كانوا بيعملوا فيا كده في المحاضرات في الاكاديمية من سنتين :) بس انا كنت معترفة بجهلي ومتمسكة بالجهل بشدة و ندمت بشدة بردة علي تقسيمة ادبي وعلمي برغم حبي للمواد الادبية و كرهي الشديد للرياضيات و قلت لو رجع بيا الزمن وكنت واعية لبكرة اكيد كنت هدرس علم بصورة افضل .. صحيح موصلتش لنتيجة ازاي اجمع اني ابقي بفهم في الادب و التاريخ والفلسفة و اجاري البيولوجي والكيميا والاحصاء بس كنت اتمني اكون علي علم ولو ضئيل لاني كل اما بكبر بيتثبتلي اني كان لازم اتمسك بالعلم دا اكتر من كده لانه فعلا اصل للحياة
ربنا يوفقك وتتنوري وتنورينا :)شدي حيلك دا انتي دلوقتي عليكي عبء تنويري لنا واحسبها نعمة انعم الله عليكي بيها لانك بتزكي بالطريقة دي عن العلم اللي بتتعلميه :) فاجتهدي فتؤجري ان شاء الله :)
ذاكري علينا ولا يهمك :) احنا الكسبانين اكيد :)
وطبعا اشكرك :)
كل ده جميل و على عيني و راسي
بس ايه رأيك في حديث سجود الشمس تحت العرش :) ؟
إقرأيه في الصحيح و إسألي و ردي عليا
:)
لكن لا يستطيع أحد كائناً من كان أن يغمط البخاري حقه و ان ينكر فضله في نقل السنة المطهرة الصحيحة إلينا
و ليخسأ كل من يهاجم السنة النبوية الشريفة و يحاول التشكيك في دين الإسلام
أليس
كل اللى أقدر اقوله
تعالى بسرعة ياماما
أختك فى مأزق :)
مهندس مصرى
أهلا بحضرتك
ماشى :)
يعنى بدراوى الصبح وحضرتك دلوقت:)
لا كده أنا فى مأزق فعلا:)
ده أنا غلبان
وبتحطونى فى مواقف بايخة
أنا !!!!!؟
أنا تسألنى عن حديث سجود الشمس ؟
ده أنا حفيدة عرابى غلبانة والوزير بتاعى ابن زكى بدر :)
طيب
استعنا على الشقا بالله
نكتب نص الحديث أولا
رواه البخاري رحمه الله في بدء الخلق عن أبي ذر رضي الله عنه قال: قال النبي صلى الله عليه وسلم لأبي ذر حين غربت الشمس أتدري أين تذهب قلت الله ورسوله أعلم قال فإنها تذهب حتى تسجد تحت العرش فتستأذن فيؤذن لها ويوشك أن تسجد فلا يقبل منها وتستأذن فلا يؤذن لها يقال لها ارجعي من حيث جئت فتطلع من مغربها فذلك قوله تعالى والشمس تجري لمستقر لها ذلك تقديرالعزيز العليم
وأخرجه في صحيحه باب تفسير القرآن عن أبي ذر رضي الله عنه بلفظ :" كنت مع النبي صلى الله عليه وسلم في المسجد عند غروب الشمس فقال يا أبا ذر أتدري أين تغرب الشمس قلت الله ورسوله أعلم قال فإنها تذهب حتى تسجد تحت العرش فذلك قوله تعالى: والشمس تجري لمستقر لها ذلك تقديرالعزيز العليم
وعند مسلم رحمه الله عن أبي ذر رضي الله عنه: أن النبي صلى الله عليه وسلم قال يوما أتدرون أين تذهب هذه الشمس قالوا الله ورسوله أعلم قال إن هذه تجري حتى تنتهي إلى مستقرها تحت العرش فتخر ساجدة فلا تزال كذلك حتى يقال لها ارتفعي ارجعي من حيث جئت فترجع فتصبح طالعة من مطلعها ثم تجري حتى تنتهي إلى مستقرها تحت العرش فتخر ساجدة ولا تزال كذلك حتى يقال لها ارتفعي ارجعي من حيث جئت فترجع فتصبح طالعة من مطلعها ثم تجري لا يستنكر الناس منها شيئا حتى تنتهي إلى مستقرها ذاك تحت العرش فيقال لها ارتفعي أصبحي طالعة من مغربك فتصبح طالعة من مغربها فقال رسول الله صلى الله عليه وسلم أتدرون متى ذاكم ذاك حين يوم لا ينفع نفس إيمانها لم تكن آمنت من قبل او كسبت في إيمانها خيرا
طيب :)
ده نص الحديث
و لا خلاف على سجود الشمس
الخلاف هو على ذهابها و رجوعها
حيث ان الثابت أن الشمس لا تغيب عن الارض في أي لحظة بل دائماً تشع نورها على الأرض فيكون النصف المواجه لها نهار و النصف الآخر ليل
كل السموات السبعة و الأراض السبعة تحت عرش الرحمن
و لا ندري كيفية سجود الشمس لكن نقول بسجودها كما تسبح كل المخلوقات بحمد الله لكن لا نفقه تسبيحهم
الخلاف في ذهاب الشمس و رجوعها
:)
معلش سامحيني البحث بالموبيل سخيف بس في نقطة في اللينك دي بصراحة عجبتني ، التسليم .. قالوا سمعنا واطعنا .. ان الكون مليان أسرار يمكن يكتشفها علماء في قرون قادمة .. الله أعلم.
أنا كنت ناسية الحديث دا بس افتكرت اني شفته زمان.
هكمل فهم بس بصي علي ذا مؤقتا
http://www.forsanelhaq.com/showthread.php?t=154578
أليس في بلاد العجائب
====================
يا فندم الخلاف مش في السجود
الخلاف في تذهب و ترجع :)
راجعي حضرتك تعليقي السابق
و الرابط اللي حضرتك حاطاه محلش مشكلة الذهاب و الرجوع :)
هو فعلاً حديث مشكل
معلش سامحني يا باشمهندس إنا كنت بقصد نقطة معينة اهتميت بيها في الرابط و اسمحولي تبصوا علي الصفحة دي يمكن تلاقوا فيها كلام طيب :
http://www.sbeelalislam.org/index.php?option=com_content&task=view&id=241&Itemid=30
اعتقد انه أجاب بمنطقية .. والله أعلم
وامش هقول طبعا انى فاهمة ومقتنعة مائة فى المائة
لكن هانقل شوية من اللى قرأته واللى انا متأكده ان حضرتك قرأته
اولا انا كنت أدبى
بس عارفة ان العلماء اكتشفوا عكس السائد وقتها ان الارض مش هى مركز الكون
وانها بتدور حول الشمس دورتين يومية وسنوية من الغرب للشرق
وان الشمس نفسها مش ثابتة وبتدور حول مركز المجرة
وان الكون فيه ملايين وملايين من المجرات
اللى يفترض انها بتدور هى كمان حول شىء غير محدد فى اذهاننا
اللى انا فهمته
ان بعض الاحاديث بيسميها العلماء أحاديث مشكلة
يمكن لأن معناها بيخالف العقل
وهما متفقين ان مخالفة الحديث للعقل بتعنى غالبا وضعه
لكن أول حاجة لفتت نظرى
ان الحديث فعلا شكله غريب جدا
لكن العلماء مصرين على صحته
وان البخارى بعقله وفطنته الواضحة أكيد أدرك ان الحديث مش مفهوم ومع ذلك مكانش فى تشكيك فى صحته
فخلينا نتفق ان الاسناد هما متأكدين من صحته
فاضل المشكلة الا وهى المتن
العلماء قالوا
ان السجود المذكور فى الحديث مش السجود بمعناه المعروف عندنا الذى يحتاج الى أطراف وأعضاء
وان السجود ممكن يكون معناه الخضوع والانقياد التام
وان فى آية كريمة فى سورة الحج بتوضح المعنى ده وهى
(ألم تر ان الله يسجد له من في السموات ومن في الأرض والشمس والقمر والنجوم والجبال والشجر والدواب وكثير من الناس وكثير حق عليه العذاب ومن يهن الله فماله من مكرم إن الله يفعل ما يشاء)
وعليه فالشمس بمعنى الانقياد والخضوع تسجد لله عز وجل بصرف النظر عن عدم استطاعتنا ادراك طبيعة هذا السجود
وفى آية كريمة تانية
(ولله يسجد ما في السموات وما في الأرض من دابة والملائكة وهم لا يستكبرون)
واعتبروا ان الشمس من دبيب السماء
لان معنى الدابة بيعطى معانى الحركة المستمرة
ثانيا
هم سألوا هل معنى سجودها انه لا يتم الا تحت العرش؟
والرد كان ان الشمس ليها نوعين من السجود
نوع عام بتشترك فيه مع باقى المخلوقات
وسجود خاص بيحصل عند محاذاتها لباطن العرش
ازاى انا مش فاهمة!!!
بس عادى يعنى انا أدبى
بس العلماء اتفقوا ان العرش بالرغم من عدم ادراكنا لكنهه وماهيته
لكنه بيشبه القبة التى تعلو كل السماوات والمخلوقات
فيمكن سجود الشمس الخاص بيتم عند منطقة ما من العرش
عقلى بجد مش قادر يتصورها
نقطة كمان ان سجودها مش معناه توقفها عن الحركة
لانها ممكن تسجد ولا تتوقف عن الحركة
وضربوا مثال بالطواف حول الكعبه
ومثال ذلك طواف الرجل حول الكعبة إذ لايلزمه أن يقف عند الحد الممتد من الحجر الأسود ليتحقق حساب طواف كامل إذ أنه حتى لو طاف وواصل مسيره وتجاوز الحد دون الوقوف لإستلامه فإنه يتحقق له شوط كامل ويكون قد قضى جزءا من شعيرة الطواف دون ان يقف عند الحد الذي ذكرنا ، وكذلك الشمس تجري في الفلك ونراها تشرق وتغرب دائبة ومع ذلك لها سمت او منتهى
طبعا الجزئية دى منقولة حرفيا:)
ذكروا ان لفظ تذهب فى الحديث دقيق لانه بمعنى الحركة وليس بمعنى الغروب
لان الشمس لا تذهب الى مكان حسى معين ومحدد
لكن حركتها الدائمة او بمعنى تانى حركة الارض الدائمة حولها
بتصور لنا ان الشمس بتذهب الى جهة الغرب
ذكروا ان من الفاظ الحديث عند مسلم
ثم
تجرى لا يستنكر الناس منها شيئا
وان الرسول عليه الصلاة والسلام ادرك ان الحديث قد يكون مشكل
فوضح ان سجودها واستئذانها فى السجود مرات لا يظهر تأثيره على البشر
أما انها تؤدى فعل السجود بكيفيتها
فى وقت ضئيل جدا
أو تؤديه وهى مستمرة فى عملها المسخرة فيه من الله تعالى
انا كده حاولت الخص الجزء القليل اللى فهمته
ممكن أقول احساسى لما قرأت الحديث؟
الشمس مسخرة فى عملها بتدور حوالين مركز المجرة وبتحرق فى نفسها وبتدينا الضوء والحرارة
وهى كمخلوق من مخلوقات الله مدركة ان عملها ده ليه يوم هينتهى فيه
وطبعا هى منقادة انقياد تام فى عملها
يمكن هى بتستأذن فى الميعاد اللى هتبطل فيه دوران
لكن لا يؤذن لها لان الميعاد لسه شوية
يمكن هى دايما فى حركتها واشعاها بتفقد جزء كبير من طاقتها
وسجودها تحت العرش معناه انها بتتزود بالطاقة اللازمة لاداء عملها
طبعا الكلام ده لا يمت للعلم بصلة
لكن تخاريفى ومحدش عارف الصح فين
يمكن العلم بعد سنين يعرف يفهمنا الحديث عن كده
وانا فى ثانوى كان عندنا كتاب جميل جدا للشعراوى الله يرحمه اسمه الادلة المادية على وجود الله
من الحاجات الجميلة فيه
الاية الكريمة(الم. غلبت الروم فى أدنى الارض)
وان الصحابة وقتها شغل تفكيرهم الحزن على هزيمة الروم اصحاب الكتاب
وحضرتك عارف قصة ابى بكر مع البشرى فى الاية
وانهم فهموا فى ادنى الارض وقتها يعنى الارض القريبة
لكن العلم أثبت ان المنطقة التى دارت فيها المعركة هى ارمينية
وهى من اكثر المناطق انخفاضا على الارض
يمكن ييجى يوم العلم يفهمنا اكتر من كده
حتى لو وصلنا للحاجة اللى مكنتش عايزة أوصلها
ان البخارى كان غلطان وان حديث من ال4000 حديث كان غير صحيح
برضه مش مشكلة محصلش حاجة:)
بسيطة يعنى:)
ده بشر
أليس
=====
لا اشاركك الإعتقاد
فاللفظ واضح في تذهب و تستأذن و ترجع
و هو يقول انها لا تتوقف
فما الصلة بين الذهاب و الرجوع و بين عدم التوقف
أنا أعتقد بكل صراحة أن هذا الحديث هو الدلالة على انه لا يوجد كتاب صحيح بنسبة 100% سوى القرأن الكريم
مع عدم التقليل من جهد البخاري رحمه الله
لكن حديث واحد كنسبة خطأفي اكثر من 7000 حديث هو نسبة لا تكاد تذكر
و مقبولة تماماً في مجهود بشري جبار
ثوانى انا هاركز
انت جيتى يااليس
انقذينى ياماما
مهندس مصرى
مش عارفة انا فهمت سؤالك ولا لا
انت قلت المشكلة فى ذهابها ورجوعها
مع انها بتشع نورها على الارض
طيب ماهو العلم مش الحديث اثبت انها وهى بتدينا باستمرار الضوء بتدور يافندم حوالين مركز المجرة
والمجرة نفسها بتدور حوالين مركز تانى
انا حسب ما قرأت زمان
ان فى اشياء كتير بتمشى وبتدور من الغرب للشرق
زى الارض حوالين الشمس
والشمس حوالين مركز المجرة
والمسلمين حول الكعبة
والالكترونات حول النواة
تذهب وتعود
انا مش شايفاها مشكلة
ماهى الناس ماصدقتش زمان ان الارض بتدور
الله أعلم بخلقه بس اتفق مع الأستاذة في احساسها ناحية الحديث و أسأل الله اننا منفتحش باب. للتشكيك باصدق الكتب بعد كتاب الله
الأكيد اننا منعرفش تفسير كل حاجة وعرفنا في زمننا حاجات اللي قبلنا كانوا يجهلوها و اللي بعدنا هيستنكروا جهلنا بها و اعتذر إذا تطفلت علي التعليق :)
أليس
لا ياماما تطفلتى ايه
ده انت استنجدت بيك عبر البلوجر والكابلات البحرية:)
ماتسيبنيش
ده جاب لى حديث صعب قوى:)
حفيدة عرابي
============
بالضبط نسبته كخطأ لا تكاد تذكر
و اعتقد هناك من راجع السند و ضعف الحديث و أنزله من مرتبة الصحيح لكنني غير متأكد من ذلك
لكن يبدو واضحاً في نص الحديث ان من قاله او نقله كان يظن أن الأرض مسطحة و ان الشمس تذهب للجانب الآخر من الأرض غير المسكون ثم تعود لتظهر على الجانب المسكون مرة أخرى
و هي الفكرة التي كانت سائدة عند العامة قديماً قبل استقرار فكرة كروية الارض و دورانها حول نفسها و حول الشمس
حفيدة عرابي
============
ماشي ما هو مع دوران الشمس حول مركز المجرة و دوران المجرة حول مركز التجمع المجري و غيرها من الدوارانات حتلاقيها ما سابتش الأرض و بتشدها معاها
لكن متن الحديث بيقول ما معناه ان الشمس بتسيب الأرض و تروح تستأذن ترجع تطلع لها تاني و لا لأ
مهندس مصرى
فعلا فى حاجة من اللى قرأتها بسرعة
بتذكر ان فى واحد فى الاسناد اسمه تقريبا ابراهيم التميمى
وان بعض علماء جرحه
لكن اللى لفت نظرى
انهم ماوافقوش على تجريحه
وأصروا على صحة الحديث
يمكن فهمهم هما للحديث أثر فى صياغته
بس هما وضحوا ان تذهب مش بمعنى تغرب
مهندس مصرى
طيب أقرأ ده
بيتكلم عن معانى مجازية ومش علميةhttp://www.forsanelhaq.com/showthread.php?t=154578
برضه بيتكلم في مجازية السجود اللي انا مش مختلف فيه اصلاً
بل و معترف بيه
لكن محلش اشكالية الذهاب و العودة
ثم حتى طلوع الشمس من مغربها حيكون بإنعكاس اتجاه دوران الكرة الارضية بحيث يكون من الشرق للغرب بدل ما هو حالياً من الغرب للشرق
فذلك حين تطلع الشمس من مغربها
كل حاجة بأمر الله سبحانه و تعالى
بس زي ما قلت لك متن الحديث فيه حاجةمش قادر اقتنع بيها في موضوع الذهاب و العودة
طيب انا معترفة
انى مش فاهمة كل الكلام
بس مستغربة من اصرارهم على صحته
رغم اشكاله الواضح
ومش عايزة بسرعة أقول منافى للعقل يبقى غير صحيح
فى حاجات كتير بتفضل مختلف عليها ومش مفهومة فترات طويلة
زى مثال فى ادنى الارض اللى ذكره الشعراوى
كل الموضوع مش عايزين نتسرع بس فى رفضه
لا انا مش شايف اي تسرع في رفضه لإن دي مش نظريات علمية قابلة للنقض بل حقائق علمية ثابتة
و ده يختلف عن أدنى الارض اللي كانت تقبل اكتر من تفسير
و ده جزء من اعجاز القرأن البلاغي و العلمي
انها طلعت ادنى ارض من ناحية المنسوب ده اعجاز علمي
و انها اتفهمت بكذا معنى على حسب فهم كل ناس في عصرهم فده اعجاز بلاغي و له مثيل في عدة ايات
و ده من اسباب ان القرآن لا تنقضي عجائبه و لا يخلق على كثرة الرد
طيب
الاية الكريمة
(والشمس تجرى لمستقر لها)
معناها ايه
وبعدين العلم مهما تقدم حقائقه مش مطلقة وممكن يثبت كذبها بعد فترة
بعد اذنك ممكن تقرأ ده
http://vb.maas1.com/t60784.html
يعنى لو سلمنا ان الشمس فى جريانها لها مستقر
مش مستبعد اثبات ذهابها ورجوعها
متفق تماماً مع اللينك اللي حضرتك جبتيه
بس برضه ملوش علاقة بذهاب الشمس و عودتها المذكورين في الحديث المشكل
مستقر الشمس دلوقت علماء الفلك عارفين مكانه في نقطة محددة من مجرة تانية بعيدة
و بيسموها مستقر الشمس
و أذكر اني سمعت ذلك في حديث للدكتور زغلول النجار
إثبات ذهابها و رجوعها في كل لحظة غروب على مستوى العالم كله هو شئ مستحيل تماماً
الحديث بيقول اين تذهب عندما تغرب
اذا كانت عندما تغرب هنا تشرق في مكان آخر و تغرب في كل مكان على مدار الـ 24 ساعة و تشرق في كل مكان ايضاً
فمتى تذهب إذن و هي لا تغيب عن الأرض و لا لحظة
مضطر أقوم انزل دلوقت و نكمل النقاش بعدين :)
الجزء الاخير من الر ابط
وتوضيحه لمعنى ( الى أجل مسمى)
وربطه بالفاظ الحديث
رجعنى لتخاريفى تانى
الشمس ممكن تكون بتستأذن فى انتهاء مهمتها وينتهى عملها المستمر
لكن الميعاد لم يأذن به الله
فتذهب وترجع بمعناها المجازى من غير ماتترك الارض
أطلق العنان لخيالك ياباشمهندس :)
وانا كمان هحاول اقرأ التعليقات واللينكات بتركيز شوية
و شوفي بالمرة تمسك الشيخ ابن عثيمين بالحديث على ظاهره خلاه يقول ايه :)
http://www.ibnothaimeen.com/all/noor/article_6463.shtml
السلام عليكم ورحمة الله و بركاته
ان شاء الله تكوني كويسة ..
بقالي شوية كتيرة بقرا في كتيب اتكعبلت فيه صدفة.. لما تكوني فاضية نزليه بصي عليه .. انا اعتقد والله اعلم انه جمع معظم ما قيل في الموضوع دا ولو اني في النص في حاجات كتيرة مفهمتهاش لانه جايب الاراء المغلوطة كمان مبينها فجالي حبة ذهول من شوية مصطلحات كده زي قدس سره وما شابه
المهم دا الكتيب و اسمه :
"النقش في معنى سجود الشمس لربها كل ليلة تحت العرش"
http://www.islamway.com/index.php?iw_s=library&iw_a=bk&lang=1&id=3064
أليس
وعليكم السلام ورحمة الله وبركاته
أنا الحمد لله كويسه
أنت عاملة ايه
النت بس قطع معايا امبارح ولسه واصل من شوية صغيرين
حتى طول النهار بجرب ادخل من الموبايل بالهام منك:)
بس سخيف فعلا
حاضر ياجميل
انا هحمله واقرأه
بس مش هقدر الليلة دى أقولك قرأت ايه
بكره الصبح ان شاء الله
ازى حضرتك يا حفيدة عرابى
بقى انا اجى اعلق تانى
الاقى صديقى الجميل مهندس مصرى مشارك
بجد فخور بيكوا اووو و بالنقاش ده
ربنا يكرمك يا مهندس
:-)
-------
انا كنت عاوز ارد على تعليق حضرتك على اخر تدوينة ليا
ممكن اعلق هنا و لا فين ؟!
بدراوى
براحتك على الاخر
بس انا افتكرت ان فى حاجة زعلتك فى التعليق
السلام عليكم ورحمة الله وبركاته
ازيك يا أستاذة :) شدي حيلك باه. علشان تشرفينا :) ربنا معاكي ان شاء الله
معلش مسألتش كنت مشغولة بس في بالي وقلت بلاش دوشة اسيبك تركزي في الأهم :)
مفيش اللي قولتي عليه :) كله كويس الحمد لله .. لا تقلقي
ازاي ماما :) ان شاء تكونوا كلكم بخير ..
أليس
وعليكم السلام ورحمة الله وبركاته
طيب:)
الحمد لله:)
ادع لى
ماما الحمد لله كويسة:)
لأمفيش شىء زعلنى بالعكس ده حضرتك الوحيدة اللى اهتيمتى و اسهبتى فى ردك المفيد
بس انا حساسيتى مضايقانى اوووووووووى
بزعل من اى كلمة
وبعدين اصدقائك قليلين بس اصدقاء بجد
ياريتهم بجد
نصهم او ثلاثترباعهم افتراضى
:-(
مفيش حد فيهم واقعى خالص
انا طول عمرى مكنش ليا اصحاب
عشان كان ليا بعض التصرفات اللى بتزعل الناس منى بس هى تصرفات عادية خالص
بس و الله انا كويس مش وحش
يعنى مش الشيطان الأعظم عشان الناس تتضايق منى للدرجة ديه
بدراوى
طيب الحمد لله انا بريئة المرة دى:)
انا بصراحة مش عارفة اقول ايه
لانى مش خبيرة اطلاقا لا اجتماعيا ولا فى اسرار النفوس البشرية
لكن محدش فينا الشيطان الاعظم
وكويس انك عارف ان فى بعض كلمات منك بتزعل الناس
ممكن تحاول على اد ماتقدر
تتحكم فى نفسك وقت الانفعال
والاصدقاء الافتراضيين ممكن يبقوا حقيقيين
انا اتعرفت عليك من تعليقاتك قبل مدونتك
كانت تعليقات واعية
وخصوصا ايام ماكنت حاطط الصورة بتاعة قارىء الجريدة كانت لذيذة قوى
اكيد العقل اللى طلع منه الكلام الموزون ده
قادر انه يتجاوز الحاجات البسيطة اللى مزعلاه من البشر وبتزعل بعضهم منه
شوف
انا اكبر منك سنا بكتير
ومش هاقول اكتر خبرة
بس شوفت على الاقل فى الشغل بشر كتير جدا
كنت بستغرب قوى على كلمة معاوية بن ابى سفيان والشعرة اللى لازم تكون موجودة معاهم
لكن فعلا كلامه صح
مهما تصورنا اننا ممكن نستغنى عن الناس ...وايه يعنى...
مش هنقدر
ومش هنحس بالموضوع ده الا لما نكبر فى السن شوية كمان
كمان اتعلمت ان كل انسان فيه عيوب كتير وعلشان انا بتعامل معاه لازم احاول اتكيف على اد مااقدر مع العيوب دى
بس مايكونش مؤذى ومايعرفش ربنا
يعنى صديقة لى بحبها قوى
بس عصبية
خلاص انا فهمت ايه موضوعها
مثلا واحدة تانية تحب جدا تعتمد على غيرها فى ابسط الاشياء
لمجرد انها بتحب شعور الراحة
ماشى خلاص مش هنتخاصم ونزعل
بس واحنا بنضحك برفض انى اعملها حاجة من دى
هى محتاجانى فعلا
مفيش مانع اساعدها لكن مش هاسمح بالاستغلال حتى فى اشياء بسيطة
والدنيا بتمشى
معلش طولت عليك
بس باختصار
لا تستسلم لفكرة انا مش عارف اتعامل معاهم وانا ماليش اصدقاء
خليهم زملاء
خليهم افتراضيين
المهم يكونوا موجودين بأى صورة حواليك
تحياتى لحضرتك
خلاص انا بحاول
بس معتدش قادر اتحمل بجد
لدرجة انى خايف اسيب الشغل اللى انا فيه بسبب كدة
متشكر لحضرتك على نصايحك
على فكرة انا المدونة خلاص مش حكتب فيها تانى
لأنه واضح اللى بيغيب بيتنسى
فين الناس ديه اللى اعدت تقول انت فين يا بدراوى انت فين ارجع اكتب تانى
فين ؟!!!!!!!
انا لما رجعت رجعت عشانكوه مش عشان انا عايز اكتب
مفيش حد عبرنى غير حضرتك و اثنين كمان وبس
و انا مش اعد اكتب فى المدونة لنفسى و اعد اكلم نفسى مثلاً
فكدة اريح
ممكن ارجع فى قرارى فى اى لحظة بس احتمال ضعيف انى ارجع فيه
بدراوى
انا مش هقولك انى بكون سعيدة لما مالاقيش تعليقات على اى حاجة بكتبها
انك تحس انك عبرت عن نفسك صح وان الناس تجاوبت مع كلامك دى حاجة جميلة
بس مفيش مانع ابدا اننا نكتب لنفسنا
مفيش مانع اننا نعمل حاجة تريحنا
ومندورش على رأى الناس فيها مادام مش حرام ومش عيب
وبعدين ده اجمل وارقى المدونات
التعليقات فيها قليلة جدا
انا نفسى فى مدونات بأقرأها بادمان
ومع ذلك مش بعلق فيها ابدا
بحس انى مش عارفة اقول ايه من كتر الجمال فى الافكار واسلوب عرضها
الناس بتسأل عليك
كتر خيرهم حسوا بغيابك وقلقوا عليك
لما انت رجعت وكتبت
ممكن يكونوا مشغولين
النت فاصل
مزاجهم مش رايق
خلاص اتطمنوا عليك ومش عندهم حاجة يقولوها
لسه هيدخلوا على النت بعد الصلاة
التمس لأخيك سبعين عذرا
وكل اللى بتقوله ده حاجات بسيطة جدا
مش مشاكل يعنى ولا حاجة
بالنسبة للشغل
لما بتحصل معايا مشكلة فى المدرسة
بكون مصرة بزيادة انى مش ممكن اسيب الشغل علشان حد ضايقنى
او مش عارفة اتعامل مع الناس فيه
لا
اجرب واحاول تانى
مش اسيب مكانى الا لظروف تانية غير المشاكل لانها فى كل مكان
خلى بالك انا فى مدرسة
يعنى لو سبتها هلاقى 50 واحدة زيها واصعب منها
لكن اى حد بيشتغل شغل تانى فى الوقت ده فى البلد دى
يبقى حرام عليه بجد لو سابه لاسباب تتعلق بعدم تكيفه
وبعدين حاول على اد ماتقدر تقيس وقع كلامك على الناس
يعنى قبل ماتكلمهم تسأل نفسك لو كلمونى هما بالطريقة دى انا هزعل ولا لا
الكلام ده انا بنصح نفسى بيه قبلك
بدراوي
=======
الله يخليك يا بدراوي
انت واحشني كتاباتك فعلاً
بس انا مشغول جداً
:)
مستني كتاباتك
مهندس مصرى
-----------
انت مش مقصود خالص بكلامى انت اساساً من اعز الناس اللى اعرفهم فى التدوين
حفيدة عرابى
------------
انا متشكر لحضرتك على نصايحك انا بحاول بس بجد تعبت دعواتك
يارب
على فكرة انا لما بضايق بكتب
لكن مش لدرجة انى ابقى بكلم نفسى
التعليقات بالنسبة لى حياة
:-)
عايزين الولايات المتحدة الإسلامية تقوم لازم نودود لبعضنا عشان تقوم ..
ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)
لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.
السلام عليكم ورحمة
الله تـعالى وبركاتـه
تدوينة جميلة ودسمة
تُضع فى المفضلات للرجوع
اليها وقت الحاجة الدائمة
أفادكم الله حضرة الحفيدة العُرابية الهُمــامة.
مش حاعلق على
التدوينة اللى
أنتِ التعليقات
عليها لكن حأقولك
كل ليل لازم أخره نهار.
مهندس مصرى
بدراوى
ربنا يديم الود بين حضراتكم:)
أم الخلود
شكرا لحضرتك
الدكتورة العسولة
أهلا بك
أفادكم الله أنتم:)
يا ذلنا عشان عود كبريت
القصة جميلة
سلمت الأنامل الكاتب والناقل .
تحياتي
سيادة الرئيس
أهلا وسهلا بمعاليك فى مدونتى المتواضعة
شكرا جزيلا لحضرتك على المجاملة
إرسال تعليق