خالدياابن الربيع والامل والشمس والزينة مين يافتى أعلمك فعل الخريف فينا
أحمد فؤاد نجم
قالولي بتحب مصر أخدني صمت طويل
وجت في بالي ابتسامة وانتهت بعويل
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك..؟
عدوك..؟
بعض أولادك..؟
مين اللي كانوا عبيدك صاروا أسيادك؟
مين اللي سمى السلاسل في إديك دِبَل؟
مين اللي خط الكتاب مين كانوا أشهادك؟
قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لو السقوف خايخة نسندها بحجارة وطوب
لكن ده لوح القزاز كله ضرب تشريخ
يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان
تميم البرغوثى
0 التعليقات:
إرسال تعليق